పుట:నృసింహపురాణము.pdf/102

వికీసోర్స్ నుండి
ఈ పుట అచ్చుదిద్దబడ్డది

పంచమాశ్వాసము

103


క.

ఏజన్మమున జనించిన, నాజన్మమునందు నీసమంచితచరణాం
భోజంబులపై విజిత, వ్యాజమయిన భక్తి భక్తవత్సల! యీవే.

188


క.

ఖలులకు సంసారముపైఁ, గలవేడుకఁ బాసి మోక్షగరిమము గూర్పన్
వెలయవలయు నీమహిమలు, దలఁపుచు నిట్లున్న నాదు తలపున వరదా!

189


వ.

అనిన బ్రసన్నుండై భక్తవత్సలుం డట్లకా ననుగ్రహించితి. యోగీంద్రులకు మద్భక్త
జనంబులకునుం బ్రాజ్ఞజనంబులకు నన్నియు నీయరచేతిలోనివి. నీవు మదీయసాలోక్య
సారూప్యసామీప్యసాయుజ్యసిద్ధులు గ్రమంబునన్ బొందఁగలవాఁడవ యని
యానతిచ్చి మఱియు ని ట్లనియె.

190


సీ.

అధికబోధమ్మున నస్మత్పదాంబుజభక్తిరసంబునఁ బ్రకటమైన
నీమహనీయవినిశ్చలచరితంబు సంప్రీతి నేప్రొద్దుఁ జదువువారు
వినువారు జనులకు వినిపించువారును సకలకల్మషసముచ్చయము ద్రోచి
యాయురారోగ్యపుత్రార్థసమృద్ధులఁ బొంది మద్భక్తి సొంపున వహింతు


తే.

రన్యులకుఁ బడయరానియుదాత్తనిత్య, పదముఁ బడయుదు రానందభాగు లగుచు
సర్వపూజనీయం బగుసాధుహితము, వాచకంబు మన్మహిమకు వాఙ్మయంబు.

191


క.

అని యానతిచ్చి త్రిజగ, జ్జనకుఁడు ప్రహ్లాదదేవుఁ జరితార్థునిగా
నొనరించె విశ్వలోకము, ననిశము రక్షించుచుండె నధికప్రీతిన్.

192


చ.

సమధికభక్తియుక్తుఁడయి శార్ఙ్గి భజించునరుండు సంతత
సిమితయశోవిలాసుఁడయి చెన్నలరారెడు భోగభాగ్యదు
ర్దమవిభవంబు మై సుకృతి తద్దయుఁ గాంచుచు మర్త్యలోకని
ర్గమనమునాఁడు విష్ణునుపకంఠము పొందు వినిశ్చలంబుగన్.

193


క.

అని దేవశ్రవుఁ డెఱిఁగిం, చిన దివ్యక్షేత్రమహిమఁ జిత్త మెలర్పన్
విని గాలవుండు ముదమును, దనువును బెనఁగొన నృసింహుఁ దలఁచుచునుండెన్.

194


వ.

అని రోమహర్షణుఁడు వినిపించుటయు సంయమిప్రవరులు భక్తిరసావేశంబున నానం
దామృతధారల మునింగి యహోబలనాథునిచ్చలు దలంచుచు యథేచ్ఛం జనిరి.

195


ఆశ్వాసాంతము

క.

గర్వితదైత్యవిఖండన, దర్వీకరశయన వరసుదర్శనశార్ఙ్గా
ఖర్వాయుధమండితభుజ, గీర్వాణావనముదాత్మ కేశవ నృహరీ.

196


శా.

పారావారశయాన సింధుతనయాపాంగేక్షణోదార సు
స్మేరాలోకనమూర్తి దైత్యవిభవశ్రీవర్ధనవ్యత్యయా
కారుణ్యామృతవృష్టితర్పితసుభక్తవ్రాతనిత్యోదయా
రారాజచ్చరణాబ్జసంజనితగీర్వాణాపగా శ్రీహరీ!

197