| |
దటికిఁ జని యొక్కపోతును
దటుకునఁ బిడికిటను బొడిచెఁ దలనడుచక్కిన్.
| 64
|
| క. |
పొడిచిన నన్నియు నొక్కు
మ్మడిఁ గడిమి దలిర్ప నతని మార్కొని కిసుక
న్నిడుద మొనవాఁడికొమ్ములఁ
బుడమిం బడ వైచి పొడిచి పొరిఁబొరి మట్టెన్.
| 65
|
| ఆ. |
మట్టి మిగుల నలుగ రెట్టింప దవ్వుగాఁ
జిమ్ముటయును దూలి సొమ్మసిల్లి
పడియె నతఁడు గిబ్బపదు వంత గొల్లల
పైకి నుఱికి కడిమి బలిమిరాయ.
| 66
|
| ఉ. |
కొందఱఁ బూని కొమ్ములను గ్రుమ్ముచుఁ గొందఱ మ్రగ్గఁద్రొక్కుచుం
గొందఱఁ బెందొడల్ విఱిగి కోయని యార్వఁగఁ గూలఁదన్నుచుం
గొందఱ నేపుతోఁ దఱిమి గుట్టలమెట్టలపా లొనర్చుచుం
జిందఱవంద ఱై పఱవఁ జేయుచు గాటపులావుఁ జూపుచున్.
| 67
|
కృష్ణుఁడు బలరామునితో నక్కోడెలకతఁ దెల్పుట
| క. |
అప్పగిదిఁ బఱచువారలఁ
దప్పక చూచుచును మోముఁదమ్మిని జిఱున
వ్వొప్పార నపుడు వెన్నుఁడు
కప్పుంబుట్టంబువానిఁ గని యి ట్లనియెన్.
| 68
|
| తే. |
ఆలపోతులు గా వివి కాలనేమి
కొడుకు లేడ్వురుఁ దనచేత మడిసి తొంటి
సూడుఁ దీర్పఁగఁ బూని యిచ్చోటఁ బుట్టి
రిపుడు వీరి నడంచెద నేపుసూపి.
| 69
|
