| |
గొలఁకుల మ్రోసెఁ జీఁకటులు గొబ్బున మాసె హరుండు తుంటవిల్
బలువిడి నెక్కుఁ దీసెఁ దొగపైదలియుం గను మూసె నెంతయున్.
| 44
|
| ఆ. |
ఇరులగొంగ తమ్మివిరిఁబోఁడివగకాఁడు
చదలుమానికంబు జగముకన్ను
వేఁడివేలు పివము వేఁటాడుపోటరి
ప్రొద్దు తూర్పుమలను బొడమె నపుడు.
| 45
|
| తే. |
తెల్లవాఱుట గన్గొని యెల్లవారు
గొల్లవారింట వేడ్గ గన్గొనఁగ వలయు
నంచు మేల్కాంచి తఱిచెయ్వు లన్ని దీర్చి
గీము లలరించుకొనిరి కోర్కియుఁ జెలంగ.
| 46
|
గొల్లదొర తనపట్టుల నలంకరింప నియోగించుట
| ఆ. |
అపుడు గొల్లనాయఁ డందంబుగాఁ దన
నట్టు లలరఁజేయునట్టుగాను
నేర్పు గల్గువారి నేర్పరించినఁ జాల
నెలమితోడ వార లెల్లఁ గడఁగి.
| 47
|
| సీ. |
తెలిముత్తియపుఁబందిరుల నెల్లెడల నిల్పి
నలువొపఁ దొగదోరణములు గట్టి
ముంగిళ్ళఁ గపురంపుమ్రుగ్గు లిమ్ముగఁ బెట్టి
తనరుగోడలను జిత్తరువు దిద్ది
పసిఁడితిన్నియల సొంపెసఁగఁ గస్తురి యల్కి
క్రంతలఁ బన్నీరు గలయఁ జల్లి
పట్టుఁబుట్టముల మేల్కట్టు లమర్చి ఠీ
విని బయళులను గొల్లెనలు వన్ని
|
|
