పుట:నీలాసుందరీపరిణయము.pdf/71

వికీసోర్స్ నుండి
ఈ పుట అచ్చుదిద్దబడ్డది


గాయ సాగె నేమి గాములఱేఁ డని
చెలువ మిగుల నలుకుఁ దలఁకి పలుకు.

35

నెలఁతలు మన్మథపూజ సేయుట

ఆ.

అట్లు గళవళించు నతివను గనుఁగొని
యనుఁగుఁజెలులు వెఱచి యహహ! వలపుఁ
గాఁక బలిత మయ్యెఁ గ్రాల్గంటి కిఁక మరుఁ
గొలువకున్న మేలు గూడ దనుచు.

36


సీ.

నునుఁగ్రొత్తసిరిగందమునఁ దిన్నె యొనరించి
            చెలువుగొజ్జెఁగనీటఁ గలయ నలికి
పలువన్నె లలరఁ గప్రపుముగ్గులను బెట్టి
            పసమించు చెఱకుఁగంబములు నిలిపి
పరువంపుమల్లెక్రొవ్విరులపందిరి వ్రేసి
            తళుకుగేదఁగిఱేకు దళ్ళు గట్టి
తొగలఁ జెంగల్వలఁ దోరణంబులు గట్టి
            మేలుముత్యాలజాలీల నుంచి


తే.

తమ్మిపూమిద్దెగద్దెపైఁ గమ్మవిల్తు
నిమ్ముగా నిల్పి యెమ్మెను గొమ్మలెల్లఁ
గ్రమ్ముకొని పెక్కులాగుల దొమ్మిగూడి
పూజ లొనరించి యి ట్లని పొగడి రపుడు.

37


తే.

మ్రొక్కెదము నీకుఁ జక్కెర లుక్కెఱలును
మెక్కి నిక్కుచు మిక్కిలి చొక్కుతొగరు
ముక్కు బల్పక్కిజక్కిపై నెక్కి జగము
లుక్కు మెఱయంగ గెలుచుచు నుండుజోద.

38