పుట:నీలాసుందరీపరిణయము.pdf/7

మ.⁠

మును కబ్బంబుల నెల్లఁ జెప్పి యెలమిం బొల్పొందుచున్ నాకు న ప్పనముల్ చేసినప్రోడ వీవిపుడు గూర్పం బూను నీయచ్చపుం దెనుఁగుంగబ్బము నిమ్ము నిచ్చలబత్తిస్ముత్తియున్ బుత్తియున్ నెన రొప్ప న్సమకూర్చు చెప్పుడును నే నీయొద్దనే యుండెదన్.

⁠ 16

క.⁠

అని నుడువుచు నద్దేవర కనుమొఱఁగిన నపుడు మేలుకాంచి యెదను బా యనివేడ్క లొదవ నతనికిఁ బని యొనరఁగ మ్రొక్కు లొసఁగి బత్తి దలిర్పన్.

⁠ 17

షష్ఠ్యంతములు

క.⁠

లిబ్బులదొరచెలికానికి గుబ్బలియెకిమీనియనుఁగుఁగూఁతుమగనికిన్ బెబ్బులిరేఁద్రిమ్మరితో ల్ప్రబ్బినతమిఁ గప్పుకొన్న బలువేల్పునకున్.

⁠ 18

క.⁠

చుఱుకు గలయొక్కకోలను గుఱిగాఁ దిగప్రోళ్ళు నేలఁ గూలిచి కడిమిన్ మెఱయుచు జేజేగములకుఁ దఱుఁగనిమే లిడినగిబ్బతత్తడిదొరకున్.

⁠ 19

క.⁠

తలఁచునిరాబారులచి క్కులు దొలఁగఁగఁజేసి మనుచు గొనములగనికిం దులువతొలువేల్పుఁగూటువ బలితపుఁబెన్మొగలుఁజాలుఁబయ్యరకుఁ దగన్.

⁠ 20

క.⁠

నెలఱాలఁ బోలునిద్దపుఁ దెలిడాల్గలమేనిమేటిదేవర కెపుడుం

⁠