పుట:నీలాసుందరీపరిణయము.pdf/67

⁠

టంపజడివానసోనల యలజడికిని మిగుల నెద నోడి యాడు నమ్మించుఁబోఁడి.

⁠ 15

మన్మథదూషణము

తే.⁠

అలరువిలుకాఁడ! బలుసిరి గలిగినట్టి దొరకొడుకునంచుఁ బొగరునఁ ద్రుళ్ళుకొనుచుఁ దెఱఁ గెఱుంగక ముగుదలఁ దెరువరులను బూని యేతువె నీపూన్కి బుగ్గిగాను.

⁠ 16

క.⁠

పొరపొచ్చెంబునఁ బలుమఱు విరిఁబోఁడుల నెల్ల మిగుల వెతవెట్టుదు నీ దొరతనము ద్రుంగిపోవను మరుఁడా! నీచేతివిల్లు మంటం గలియన్.

⁠ 17

చ.⁠

తలఁపఁగ ముజ్జగంబులకుఁ దల్లియుఁ దండ్రియు నైనలచ్చికిం బులుఁగుహుమావజీరునకుఁ బుట్టినదిట్టవు నీకు నెల్లరుం గలయఁగఁ దోడఁబుట్టువులుగారె? యయో! నెవరింతలేకలేఁ జిలుకలకొల్కులం గలఁపఁ జెల్లున వెల్లుగఁ బచ్చవిల్తుఁడా!

⁠ 18

ఉ.⁠

కన్నులవింటివాఁడ! తిగకన్నులదేవరతోడఁ బోరి ము న్బన్నమునొంది మేఁ దొఱఁగుపట్టున నెక్కడ డాఁగిపోయె నీ మన్నెఱికంబు నేఁడు కొఱమాలినకోయిలచిల్కమూఁకలం బన్నుగఁ గూడి చేడియల బాములఁ బెట్టెదు పోటుబంటవై.

⁠ 19

చంద్రదూషణము

చ.⁠

బలితపుటామునం దమియుఁ బర్వగఁ గైకొని యొజ్జముద్దియం గలసిన దోసకారి వని కాదె నినుం గని తమ్మికొమ్మ ని

⁠