పుట:నీలాసుందరీపరిణయము.pdf/37

ఆ.⁠

కెంపుఁ బెం పడంప సొం పగువాతెఱ మిన్నుఁ జెన్ను నెన్నుఁ గన్నెనడుము మీల నేలఁ జాలు వాలుఁగన్నుంగవ తేఁటిదాటు మీటు బోటికురులు.

⁠ 18

చ.⁠

పలుకులఁ దేనె లూరు మెయి బంగరునిగ్గులు దేఱుఁ జూపులం దళుకులు మీఱుఁ జెక్కులను దద్దయు ముద్దులు గాఱు మోమున న్వల పలరారుఁ గ్రొమ్మొగలువన్నియఁ గేరును గొప్పు తీ రహా! చిలుకలకొల్కిసౌరు నెఱిఁ జెప్పఁగ నల్వకునైనఁ దీరునే?

⁠ 19

సీ.⁠

ఎలనాఁగతుఱుమున కెనగాక తుమ్మెద             కొదమకూటువులు పల్వొదలు దూఱెఁ జానవేనలితోడ సరిగాక యొడలిచూ             పులదొరరతనముల్ పూరిఁ గఱచె ననఁబోఁడినునుఁగొప్పునకు దీటుగాక ని             చ్చలును జీఁకటులు మూలలను డాఁగెఁ గడుముద్దుగుమ్మక్రొమ్ముడితోడ దొర గాక             తొలుమబ్బుతుటుములు మలలఁ బట్టెఁ

⁠

తే.⁠

జూపఱకుఁ గొలఁదికి మీఱుసొంపు నింపుఁ బెంపుఁగలయలచెలిచెలువంపునెఱుల గుంపునకు జోకగాక నిద్దంపునాఁచు జొంపములు నీటఁ బడుఁ గడుఁదెంపుచేసి.

⁠ 20

తే.⁠

మగువమొగమున కెన గాక మిగులఁ బొగిలి తొగలచెలికాఁడు పదియాఱుతునియ లయ్యె

⁠