పుట:నీలాసుందరీపరిణయము.pdf/10

వికీసోర్స్ నుండి
ఈ పుట అచ్చుదిద్దబడ్డది


గులుకుఁబాయపురాచతలిరాకుఁబోఁడులు
            పగడంబుఁదీవజొంపములు గాఁగ
మేటిపల్గొమ్ముల మెకపురాతుటుములు
            లలితంపుఁబఱపుగుబ్బలులు గాఁగ


తే.

వన్నియలుమీఱి చెలువారువారువములు
కొమరుదళుకొత్తు బలుమానికములు గాఁగఁ
బొంకముగ నెల్లసిరులకుఁ డెంకి యగుచుఁ
బాలమున్నీటిపగిది నాప్రోలు దనరు.

27


ఉ.

పున్నమచందురుం దెగడుపొంగపుమోములరాచకన్నియల్
గ్రొన్నెలఱాలమేలిపనికొప్రపుమేడల నాటలాడ నా
యన్నులకుల్కు లేనగవు లచ్చమవెన్నెలలంచుఁ ద్రిమ్మరున్
వెన్నెలపుల్గుమొత్తములు వేడుక నబ్బలువీట మాటికిన్.

28


చ.

మినుకుఁగాడానిబంగరువుమేడలసోరణగండ్లవెంట రేల్
చనియెడిరిక్కమొత్తమును జక్కఁగఁ జూచి మెఱుంగుఁబోఁడు లి
చ్చను బిడికిళ్ళఁ బట్టి యవి జాఱి చనం దమగోళ్ళు చుక్కలం
చును నెడ నిల్చి చే వదలి చూచుచు నుబ్బరపోదు రందులన్.

29


చ.

పగడపుఁగంబముల్ నిలిపి పన్నినముత్తెపుఁజప్పరంబులన్
నిగనిగలాడు కుందనపునిద్దపుగోడల నాఁడెమైనము
త్తిగరతనంపుజిల్గుఁబనితిన్ని యలుల్ బలుదమ్మికెంపుఱా
జిగితలుపు ల్గడు న్మెఱయుఁ జెన్ను దలిర్పఁగఁ బ్రోల నెల్లెడన్.

30


తే.

ఇగురుఁబోండ్ల కగడ్తలో నీఁదుచిలువ
చెలువ లిడుతమ్మికెంపులుఁ జెలఁగి కోట