ఆది పర్వము ; ప్రథమాశ్వాసము
వలనేది చేయనివారము గాము.
తలపోయఁ గపటకృత్యంబులసేఁత
బలిమి మిక్కిలి యిహపరహా నిసేయు'
.............................................
నని యధర్మంబున కందఱు నోడి
తసపంపు సేయక తగనూరకునికి
చూచి కద్రువ తనసుతుల కిట్లనియె:
"నీచభావంబున నే నింక సవతి
దాసినై యుండుట తలపోయ మీకు
వాసి తక్కువయు నెపంబును గాదె!
అన్నదమ్ములు మీరలందఱు నిట్లు
మిన్నకుండిన నిటమీద నే నింక
నెవ్వరి నడుగుదు! నెవ్వారు దీర్తు!
రెవ్వారు మీకంటె హితులు నాకెన్న.
నకట! వేవురఁ గన్నయట్టినా కిప్పు
డొకఁడైన నీపని కొదవంగవలదె!
తొడిఁబడ నొకకీడు దొడరినచోటఁ
దడవు సేయక దానిఁ దప్పింపవలదె!
కైకొనిచేయుఁ డీకార్య మెట్లైన
నాకొఱ" కనుచు మానక వేడుకొనఁగ,
నప్పుడు తల్లితో ననిరి క్రమ్మఱను :
“దప్పులెన్నుటగాదు తల్లి, మాచిత్త
మొప్ప దీపని సేయ; నుచితంబు గాదు;
తప్పదు పాపంబు తలఁపంగ మాకు.
నీకుఁ బ్రియంబని నిజములు కల్ల
లేక్రియఁ జేయుదు! మిది మాకుఁ దగునె! "
అని యిట్లు పలుకుచు నందఱుఁ గూడి
