ఈ పుట ఆమోదించబడ్డది
276
ద్విపదభారతము
ఒక్క బాణముపోలె నొగి బాణపంక్తి
నెక్కొని గురుఁ డేయు నిమిషమాత్రమున;
నరుఁ డది తుమురుగా నఱకు చున్నాఁడు
ధరణి నే మని చెప్పుదము వీనినేర్చు !”
అనునంత గురుఁడు దివ్యాస్త్రంబు లింద్ర
తనయుపై నేయంగ ధరణి గ్రక్కదల
బుగులుకొంచును బేర్చుభూరి బాణాగ్ను
లెగయంగఁ జూచి యాయింద్రనందనుడు
వరుసతో నింద్రాగ్ని వరుణాదిసురల
వరముల గొన్న యుజ్జ్వల బాణతతుల
నతితీక్షములఁ గూర్చి పరఁగ నేయుటయు
నతుల మై బాణపక్షానిలం బపుడు
పడగలు చించి యంబర వీథి కెగయ
గొడుగులు గొనిపోయెఁ గురుసేనలోన.
తెగఁబడి ద్రోణుఁ డద్దివ్య బాణములఁ
బొగలఁ జిక్కినవహ్నిఁ బోలె ను క్కణఁచె
అప్పుడు కనలి ద్రోణాచార్యు సేన
కుప్పలుపడ నస్త్రకోటు లేయుచును
గాండివిఁ దాఁకిన గల్పాంతచండ
దండధరోద్దండతండ మై యతఁడు
