పుట:దశరథరాజనందనచరిత్ర (మరింగంటి సింగరాచార్య).pdf/78

సీ.⁠

ముగురు రాజులచేత మ్రొక్కులు గొన్నట్టి              భగవత్సమానుఁ డప్పలగురుండు వేదవేదాంగాదివివిధార్థసంపత్తి              నతిశయిల్లిన వేంకటార్యమౌళి కలితసౌందర్యరేఖావిలాసంబులఁ              జెంగలించెడి శ్రీనృసింహఘనుఁడు కుపితమాయావాది గురుశాస్త్రహరణపా              రగుఁడైన కోనేటిరాయశౌరి సరసశతపద్యలేఖనీవిరచనోక్తి గలజగన్నాథసూరి యగ్రజులు గాఁగ నలర రంగప్ప, నరసింగరప్ప తమ్ము [1]లై వెలయువాఁడ భువి సింగరాహ్వయుండ.

⁠ 30

మ.⁠

సముదీర్ణస్థితి వేంకటేశ్వరుఁడు నాస్వప్నంబునన్ షోడశా బ్దములన్ [2]మాణవకాకృతి న్నిలిచి ‘వత్సా యాంధ్రభాషానిరో ష్ఠ్యమహాకావ్య మొనర్పుమీ' యనిన నత్యారూఢి మేల్కాంచి మో దమునన్ జెప్పితి భూమిపైఁ గవిజనాధ్యక్షు ల్ప్రశంసింపఁగన్.

⁠ 31

మ.⁠

మును రామాయణము న్నిరోష్ఠ్యముగ నింపుల్ మీద శాకల్లె మ ల్లన, తా సంస్కృతభాషఁ జేసెనన నాలాగున్ జెవుల్ నిండఁగా వినుటేగాని ధరిత్రిలో నిజముగా వీక్షింపలే దట్టి దేఁ దెనుఁగున్ జేసెద నెల్లెడన్ గవులకున్ దృష్టాంతమై యేర్పడన్.

⁠ 32

మ.⁠

వరవందారుజనావళీహృదయసద్వాంఛార్థకృద్వేంకటే శ్వరసంపూర్ణ[3]కృపాసుధామిళితవీక్షామాధురీమార్గవి స్ఫురితైకైకదినప్రబంధరచనాస్ఫూర్జద్వచశ్రీకుఁడన్ నరనాగాశ్వనృపాలసభ్యగణితుండన్ సింగరాచార్యుఁడన్.

⁠ 33

1. లై మెఱయువాఁడ (ము)
2. మానవునాకృతి (సా)
3. కటాక్షమిళితక్ష్మామాధురీ (సా)