పుట:దశరథరాజనందనచరిత్ర (మరింగంటి సింగరాచార్య).pdf/257

వికీసోర్స్ నుండి
ఈ పుట అచ్చుదిద్దబడ్డది


సంగీతనాటకస్వరకల్పసాహిత్య
             చిత్రకవియు నారసింహగురుఁడు
పరవాదికుమతుల పటుశాస్త్రహరణుఁ డై
             రాజిల్లు కోనేటిరాయ శౌరి
వినుతశతఘంటబిరుదాంకవిజయుఁడైన
జగ్గగురుకాంతదేశికచంద్రునకును
ననుజుల గురంగ నరసింగరార్యఘనులు
నవని ప్రబలిరి; యే సింగరాహ్వయుండ.

52


మ.

వరవందారుజనావళీహృదయసద్వాంఛార్థకృద్వేంకటే
శ్వరసంపూర్ణకృపాసుధామిళితవీక్షామాధురీమార్గవి
స్ఫురితైకైకదినప్రబంధరచనాస్ఫూర్జర్వచశ్రీశుఁడన్
నరనాగాశ్వనృపాలసభ్యగణితుండన్ సింగరాచార్యుఁడన్.

53

షష్ఠ్యంతములు

క.

ఏవంవిధగుణవితతికి
దైవాధిపశాసితాభ్రదృఢజలధారా
గ్రావాశనిసముదయహృ
ద్గోవర్ధనశిఖరిధృతి కకుంఠితమతికిన్.

54


క.

నక్షత్రాధ్యక్ష విరూ
పాక్ష సుధాక్షీరజలధి హర్యక్షమరు
ధ్వృక్షహిమక్షోణీంద్ర వ
ళక్షళరీరునకు సత్కళాసారునకున్.

55


క.

అనిమిషనాథాదిదిశా
జననాయకమస్తకాగ్రసంఘటితమహా
ఘనముకుటరత్ననీరా
జనశోభితచరణునకు రసాభరణునకున్.

56