పుట:దశరథరాజనందనచరిత్ర (మరింగంటి సింగరాచార్య).pdf/250

⁠

పదియేండ్లనాడును బహుచమత్కృతులచే              చక్రలాంఛనవిధిఁ జెప్పినావు యెలమితో [1][2]పదునొకండేండ్ల బాలుడవయ్యు              కవికదంబరచన గాంచినావు వరుసతో పన్నెండువత్సరంబుల వేడ్క              శతసంహితయుఁ దెన్గు జేసినావు రమణ పదమూడుయేండ్లను రామకృష్ణ చరితమెల్లను [3]ద్వ్యర్థిసంశ్లేష మొదవ నాంధ్రభాషగ విరచించితౌర భువిని శబ్ధశాసనబిరుదాంకశాలి వగుచు.

⁠ 14

గీ.⁠

వరుస పద్నాల్గుపదిహేనువత్సరముల సరసకవితాష్టభాషావిశేషకృతుల సరణు లేర్పడ నాటకశాస్త్రమెల్ల గరిమ విరచించితివిగాదె కవుల నెంచ.

⁠ 15

గీ.⁠

అనఘ ప్రేమాభిరామ ధనాభిరామ కావ్యములు జాతివార్తలుఁ గడలుకొనఁగ ద్విపదలుగఁ జేసితివి కవినృపతు లెన్న పూని షోడశవత్సరంబుననె మొదల.

⁠ 16

క.⁠

నలయాదవరఘుపాండవ [4]సలలితురీయార్థకావ్యసంశ్లేషకృతుల్ యెలమి దశసప్తహాయన మలవడుకాలంబునందు నతిమధురోక్తిన్.

⁠ 17

సీ.⁠

ఒనర పద్దెనిమిది సంవత్సరంబులనాడు              సకల అలంకారసంగ్రహంబు రాకాసుధాపూర్ణరసపుష్పగుచ్ఛంబు              నాంధ్రభాషాభూషణాఖ్య కృతులు

⁠

1. ('లి' యనగా దీనిమాతృకయైన 'లిఖితప్రతి')
2. పదకొండేండ్ల ...(లి)
3. వియ్య... (లి)
4. సలలిత వియ్యార్థ (లి)