పుట:దశరథరాజనందనచరిత్ర (మరింగంటి సింగరాచార్య).pdf/155

క.⁠

తెలియంగ సెలఁగకే, లర సెలఁగ దలలచేతఁ దనర రత్నశిలా కలితాలంకారస్థితి నలరెన్ లంకాధినేత నల్లనఁ గంటే.

⁠ 38

సీ.⁠

కాలాగ్ని తీక్ష్ణఖడ్గలతల్ ధరించె రెం              డెడల రాక్షసకర్త లెచ్చరించ నయశాస్త్రచణదండనాయకచ్ఛటలకా              ర్యాకార్యనర్తన లతిశయిల్ల [1][2]జగతిరసాతలగగనచారేశిత              లయ్యెడ జయలిడ హాస్యగతిని నాకనాథజిదాదినందనరేఖల              సాహసాలంక్రియల్ సందడిల్ల నసదృశహిరణ్యఖచితసింహాసనాగ్ర ధర నధిష్ఠించిన దశాస్యదైత్యనేత కట్టె సాక్షాత్కరించిన కాలదండి దండి దనరారె నంతంత ధరణినాథ.

⁠ 39

వ.⁠

అని యాడిన దాశరథి సంతసిల్ల లంకానేతం గాంచి.

⁠ 40

తే.⁠

ఎంతసిరి ఎంతయాకృతి యెంతశక్తి యెంతతే జెంత నిల్కడ యెంతదండి యట్టిసాహిసి గాంచిన యట్టితల్లి సత్క్రియ గణించగలఁడె యాస్రష్టయైన.

⁠ 41

చ.⁠

అగజాజాని ననేకకంధరలచే [3]నర్థించె జన్యస్థలిన్ దిగధీశాదితినందనచ్ఛటల నర్థిం గెల్చి శంకించకే తెగి కైలాసగిరిన్ దృణాకృతిగ నెంతేగాన నీతండహా జగదారాధ్యత హెచ్చనేరఁడె సదాచారక్రియన్ జెందినన్.

⁠ 42

1. ఈపాదము సగమే యుండఁ దక్కినదాని బూర్తి గావించితి - ఇట్లు లేఖనకర్త (ము)
2. జగతిరసాతలఁగగనచారిత లయ్యెడను నెదలందు జంకును ధరించి (ము)
   జగతిరసాతలగగనచారేశిత లయ్యెడిం జయలిడి హాస్యగతిని(శి)
3. నర్చించి జన్యస్థలిన్ (శి)