పుట:దశరథరాజనందనచరిత్ర (మరింగంటి సింగరాచార్య).pdf/154

⁠

చిన దైత్యహంత యానతి [1]ఘనతరక్రియఁ దాల్చి దిశల కరఁగిరి సరగన్.

⁠ 32

క.⁠

తతచక్రనదాంతరసం స్థితధరణీశిఖరిఘటలఁ దెచ్చిన జలధిన్ ధృతిసంధిల [2]గట్టె నల క్షితిధరచరనేత సాటి సేయఁగ గలరే.

⁠ 33

శా.⁠

ఆలంకాస్థలిఁదాక కంధినయచర్యం [3]గట్లగట్టించి తా హాళిన్ రాక్షసహంత సద్గిరిచరాధ్యక్షచ్ఛటాసంగతిన్ జాలారాత్రిచరేశితల్ కలఁకచేఁ జల్లించఁగా నింగి జే జేలెల్లన్ గణియించఁగా నడచె నక్షీణక్రియల్ దీరఁగాన్.

⁠ 34

ఆ.⁠

ఇట్టి సరణి గట్లకట్టదారి నిశాచ రారి యర్కనందనాదికీశ [4]ఘటల నెనసి శీఘ్రగతినంతనే, త్రిశృం గాద్రి నెక్కి నిలచె హర్షశక్తి.

⁠ 35

వ.⁠

అంతట నసంఖ్యలైన హరిసేనలచేత త్రిశృంగగిరి నిలిచి దాశరథి గంధ గజకంఖాణశతాంగశాలలచేతఁ గింజల్కరంజితకంజాతసంజాతరసా క్రాంతకాసారతటాకదీర్ఘికలచేత సకలధరణిజలతాంతరసస్థగిత దిగంతశృంగారకాంతారరేఖలచేత గాంగేయసాలహీరకలశకేతనాయత్త రాజసదనఘటలచేతఁ జెంగలించి రత్నచ్ఛాయల నాకాశసరణి నలంక రించెడి లంకానగరి దర్శించి, గణించి తలఁగదిలించెడి యారాజహేళిం గైకసీకనిష్ఠనిశాచరనేత చేరంజని.

⁠ 36

ఆ.⁠

అనఘ లంకచిహ్న లరసితి నాచెంత కైకసేయదితిజకర్త నిఖిల హితనిశాటనేత లెంచ నాస్థానియై తనరెఁ గాన నతని గనఁగరాదె.

⁠ 37

1. అనతిక్రియ (గ)
2. గట్టిరల (శి)
3. గట్టగట్టించి
4. ఘటల నెనసి లంక గదియంగ జనియె శృంగాద్రి యెక్కి నిలిచె హర్షశక్తి (శి)