పుట:దశరథరాజనందనచరిత్ర (మరింగంటి సింగరాచార్య).pdf/139

వికీసోర్స్ నుండి
ఈ పుట అచ్చుదిద్దబడ్డది


ఉ.

ఆ నలినీశాజాచలచరాగ్రణి రంజిలి యద్రికన్యకా
జాని నగారికీలి హరిజాత నిశాచరనాథకందిరా
జానిల యక్షనాయకదిశాగతకీశసహాయతాస్థితిన్
శ్రీనిధియైన దాశరథి జేరఁగ నేఁగి గణించ నయ్యెడన్.

116


క.

దిననాథజాతహరి శా
సనగతిచే రాక్షసారి జనకక్షితిరా
ట్తనయకయి యనఁచ గిరిచర
జనసేనల నాశలెల్లఁ జదియఁగ నంతన్.

117


ఉ.

అనిచిన గీశసేన లఖిలాశల కేఁగి యనేకచర్యలన్
ఘనతరశైలకందరలఁ గానలఁ దిన్నెల నేటిజాడలన్
గనికని జానకీలలనఁ గానఁగ నేరక లజ్జచేత జ
క్కన ఖరహంత జేరి తిరుగంజని రార్తి ఘటిల్ల నయ్యెడన్.

118


ఉ.

అనగచారిసంతతి దృణాకృతిగా (నిరసించి చాలక)
న్నానిన యాంజనేయహరి యంచితశక్తి నెఱింగి జానకీ
జాని దయార్ద్రదృష్టిఁ దనసన్నిధిఁ కేరఁగఁజీఱి సాహస
శ్రీనయకార్యధైర్యజయచిత్రకళల్ గణియించి నిల్కడన్.

119


క.

తనచేతియలంక్రియ నా
యనిలజహరిచేతి కీయ నది చాలిచి చ
య్యన దక్షిణజలనిధి చా
య నరిఁగె గిరిచరఘటాసహాయతచేతన్.

120


వ.

ఇట్లు చనిచని.

121


ఉ.

కానల నేటిచాళికల గట్లయదాటికిఁ గందరాంతర
స్థానలతాగృహాచ్ఛటల చర్లకడన్ గడలేని దిన్నెలన్
జానకి దైత్యహంతసతిఁ జక్కనిజాడఁ గనంగనేర కే
గ్లాని జరించి కీశతతి కందఁగ సాగె ననేకచర్యలన్.

122