పుట:దశరథరాజనందనచరిత్ర (మరింగంటి సింగరాచార్య).pdf/138

వికీసోర్స్ నుండి
ఈ పుట అచ్చుదిద్దబడ్డది


ఉ.

చక్కఁగ ధాత్రి నద్రిచరజాలసహాయత గల్గి యార్కి తా
నిక్కడ కేఁగ లెస్స యతఁ డేగక సాహసశక్తి నిల్చె నా
నిక్కనయట్టి శాక్రి దెగనేసిన శస్త్రిక యగ్నికీలలం
గ్రక్కగసాగె దీని కిక గానఁగనేయ నదేల ధీనిధీ.

108


క.

అని యాడి యన్న యిచ్చిన
ఘనశస్త్రికఁ దాల్చి తీక్షకరరయగతిచేఁ
గనదాగ్రహహృత్స్థలియై
చనియెన్ గిష్కింధదారిఁ జనతతి కలఁగన్.

109


క.

అనలాకృతిచే దశరథ
తనయక్షితిజాని రాగఁ దగఁ గిష్కింధా
జనసంతతి హృదయస్థలిఁ
గని యార్తిం గదలిసాగెఁ గన్నటికార్తిన్.

110


క.

సరగ సదనాంతరస్థలి
కరిఁగిన రాచనెలఁ గాంచి యలజడి దారా
హరినేత లెద్ది తెలియక
తిరుగంగాసాగి రార్తి తీండ్రించంగన్.

111


వ.

అంత శేషాంశసంజాతధరణిజాని యంతఃస్స్థలికిం జని.

112


చ.

ఇనతనయాగచారిఁ గని యిద్దతరాగ్రహదృష్టిఁ జీఱి చే
సినగెరి దాట నేటి కిఁక జేరని దెంతకడింది శక్రనం
దనహరి ద్రెళ్లనేసిన ధనంజయహేతి కరాళశస్త్రి చ
క్కన గనరాదె ని న్నడఁచఁగాగల దీఘటియందె కానరా.

113


వ.

అని దాశరథిదాయి యనినఁ దారాసహాయత దినకరనందన
హరికర్త చలించి.

114


ఉ.

దారనఛాత్రి సాగిలి హితస్థితిచేఁ గణియించి డగ్గరాఁ
జేరి యనేకసత్ర్కియలచే నలరించినఁ గాక డిగ్గి నిం
డారిన శాంతి రాచనెల యాహరిలాలనచేత జిక్కి నే
తేరఁగజేసి తాఁ దిరిగె దిగ్ధరణీశిత లెన్న నయ్యెడన్.

115