పుట:దశరథరాజనందనచరిత్ర (మరింగంటి సింగరాచార్య).pdf/132

వికీసోర్స్ నుండి
ఈ పుట అచ్చుదిద్దబడ్డది


ఆ.

ఎచటి కెట్టియాత్ర యెట్టికార్యస్థితి
దాని నెఱుకసేయ దగదె యన్న
ననిలతనయ నగచరాగ్రణిఁ గాంచి ఖ
రారి తెలియనాడె నాదరించి.

70


సీ.

నాతండ్రి దశరథనరనేత చినతల్లి
             కిచ్చినకాంక్ష దా నీయలేక
యలగంగ నాగాథ నాలించి యాలించి
             సంథిసంధిల యతిసరణిఁ దాల్చి
తగరాజధాని నేఁ దరలి దండకచండ
             కాననాంతస్స్థలి గదియఁ దెలిసి
తస్కరక్రియచేత దశగళలేఖారి
             జనకజాంగన జేరి సంగ్రహించి
తీక్ష్ణగతి లంకజాడల దెచ్చినట్టి
కట్టడలెఱింగ తృష్ణ నాకండ్ల నలసి
సరసగంధానిలాంతకాసారతీర
సైకతస్థలి నిలచితి జాలి ననఘ!

71


క.

అని యాద్యంతక్రియ లా
యనిలజహరి కెరుఁగఁజేయ నాలించి నరా
శనహంత యాననస్థలి
గని యలజడి యడఁచి నీతికార్యస్థితిచేన్.

72


ఆ.

ఇట్టి కార్యసరణి కేటికి చింతించ
దశరథక్షితీశతనయ! రయత
నార్కిఁ గలిసితేని యఖిలకార్యార్థసం
ఘటన గాదె యర్ధఘటికయందె.

73


చ.

హరిశిజహేళినందన నరాశననాథ నదీశనార్థ రా
డ్గిరిశదిగంతకేశతతికిం గణియించఁగ నార్కికర్త తా
నరయఁగ నీసహాయత నయక్రియ సంధిల నిచ్చెనేని ని
ర్జరఘటలైన నాజిఁ గడసాగఁగ నిల్చెదరే జగత్త్రయిన్.

74