పుట:దశరథరాజనందనచరిత్ర (మరింగంటి సింగరాచార్య).pdf/127

వికీసోర్స్ నుండి
ఈ పుట అచ్చుదిద్దబడ్డది


చ.

హితగతి నీతిచర్య గణియించిన గానఁగలేక యాగ్రహిం
చితి చెడుగంతయ య్యకట! చెన్నటి నీయసి ద్రెళ్ల నేటి కే
నతనిశరాహతిం దెగి నయక్రియ నేరికి నందరాని స
ద్గతి జరియించెదన్ ధృతి నఖండితకీర్తి ధరిత్రి నిండఁగన్.

39


చ.

అని తృణలీలఁగా తెలియనాడి తదాజ్ఞ ధరించి తాటకా
తనయనిశాచరాగ్రణి సచాగతిధిక్కరణాచ్ఛశీఘ్రన
ర్తన ఘటియిల్లఁగాఁ గదలి దండకకాననధాత్రి జేరఁగా
జని ఖరహంత గాంచి దృఢసాహసహర్షరసాతిశాయియై.

40


చ.

తనహృదయస్థలిన్ గలఁక దాల్చఁగ నిశ్చయదృష్టిఁ దాటకా
తనయనిశాటనేత సహితస్తితి ధారుణిజాతచెంతఁ గాం
చనహరిణాకృతి న్నిలచి సారనటిల్లతికాచ్ఛలీలలన్
దనరి చనంగసాగె గహనస్థలియెల్ల నలంకరించఁగన్.

41


క.

తనచెంగట దాశరథిన్
గని చేరఁగ నేఁగి చిత్రకనకాకృతిచే
దనరారె నిఱ్ఱి యల్లదె!
చని దాని గ్రహించి తెచ్చి చక్కఁగ నీరే!

42


చ.

అని జలజాక్షి యాడ నతిహర్షగతిన్ ఖరరాక్షసారి చ
క్కనిజఠరాస్యదృక్చరణకర్ణశరీరనిగన్నిగత్కళల్
గనికని దానిఁ జేరఁ జనఁగా నది యందకయంది సాగఁగా
దనహృదయస్థలిన్ గలఁక చాల్చి నయక్రియ జ్ఞానదృష్టిచేన్.

43


క.

దానిగతి దెలిసి సీతా
జాని దృఢశరీరయష్టి సంధించి ఘన
జ్యానాదలీల లదర న
హీనతరకళాస్త్రధార ననిఁ ద్రెళ్లించెన్.

44


వ.

అంత.

45