ఈ పుట ఆమోదించబడ్డది
రేకు: 0133-04 మాళవిగౌళ సం: 02-135 అధ్యాత్మ
పల్లవి: ఏమీ నెఱఁగనినాఁడు యిటు నిన్నుఁ గొలిచేనా
నీమాయ దెలుపఁగా నినుననేఁ గాకా
చ. 1: పసురముగఁ జేసితే బడి నిన్నుఁ దలఁచేనా
వెస రాయిఁ జేసితే వెదికి నిన్నెఱిఁగేనా
పొఁసగ మానుగ నన్నుఁ బుట్టించితేఁ బొగడేనా
ముసిపి నరుఁ జేయఁగా మొరయిడేఁ గాక
చ. 2: మొగి మృగముఁ జేసితే మొక్కనెఱిఁగెనా
తగఁ బక్షి జేసితేఁ దరిఁ బూజ సేసేనా
జిగి నితరజంతువుగఁ జేసితేఁ దగిలేనా
అగపడి వివేకిఁ జేయఁగననేఁ గాక
చ. 3: యింత కధికారిఁ జేసి యీప్రపంచజ్ఞాన-
మింత యొసఁగితివి మరఁ గిఁకనేలా
చింత లిన్నియుఁ దీర శ్రీవేంకటేశ నను
సంతతము నేలఁగా శరణనేఁ గాక
