ఈ పుట ఆమోదించబడ్డది
రేకు: 0131-03 పాడి సం: 02-123 అధ్యాత్మ
పల్లవి: వేఱొక భావనలేల వీనితోఁ బెనఁగనేల
తూఱినందే హరిగూర్చి తుదగంట గాక
చ.1: చూచే కన్నుల నేమిఁ జూడకుండవచ్చునా
చూచినందెల్లా హరిఁ జూచుట గాక
వేచిన వీనుల నేమీ వినకుండవచ్చునా
కాచి యవే హరికథగా వింట గాక
చ.2: కోరేటి చవుల జిహ్వ గోరకుండవచ్చునా
కోరిన చవుల హరిఁ గూర్చుట గాక
ఆరీతి బారే మనసు అడఁచఁగవచ్చునా
ఆరితేరి అన్నిటాను హరిఁ గంట గాక
చ.3: వొడలు మోచిన దేహి వోమకుండవచ్చునా
వోడలు శ్రీహరిదనే వోముట గాక
బడినే శ్రీవేంకటేశుఁ బాసివుండవచ్చునా
యెడయ కందె సుఖియించుట గాక
