పుట:తాళ్ళపాక పదసాహిత్యం - రెండవ భాగం.pdf/122

వికీసోర్స్ నుండి
ఈ పుట ఆమోదించబడ్డది

రేకు: 0131-01 పాడి సం: 02-121 అద్వైతము


పల్లవి: ఇదివో సుజ్ఞానము 'సూత్రే మణిగణా యివ' గాన
       మది నితరమే లేదు మాయల యద్భావం తద్భవతి'
       
చ.1 యెదుటఁగను యీజగము యీది నీవన వెఱతును
     అది వీపరీతజ్ఞానము 'యదృష్టం తన్నష్టము' గాన
     పొదులుచుండేటి యీజగము పొసఁగ నీవు గావన వెఱతు
     యిది విపరీతజ్ఞానము 'సదసచ్చాహం' బంటివి గాన
     
చ.2 నిండిన యీజీవులు నీవేయన వెఱతును
      దండనే బద్దులు వీరు 'ద్వాసుపర్ణ' వున్నది గాన
      మెండగు యీజీవులను మీరు గారన వెఱతును
      వుండెడి వీరలు నిత్యులు వొగి 'నహమాదిశ్చమధ్యము' గాన
      
చ.3. యిది మునుపె నీచిక్కు యిందుకు ద్రిష్టం బొక్కటె
      తుదఁ దొల్లె నీదాసులు గలరు తుదఁ దొల్లియే నీవుఁ గలవు
      వెదకు మా శ్రీవేంకటపతి నిను సేవించఁగ నిను సేవించఁగను
      అదన నిన్నంటినవారల నీయంతలు సేతువుగాన