పుట:తాళ్ళపాక పదసాహిత్యం - నాలుగవ భాగం.pdf/37

వికీసోర్స్ నుండి
ఈ పుట ఆమోదించబడ్డది

రేకు: 0306-06 గౌళ సం: 04-036 నృసింహ

పల్లవి:

మొదలివేల్ప మా మొఱ యాలించవె
యెదుటఁ గావు మము నిదివో దేవా

చ. 1:

ధరపైఁ దపసుల తపములు చెరిచెను
నిరతపుణ్యముల నీరుసేసె నదె
పరకామినులను భంగ పెట్టె నదె
హిరణ్యకశిపుఁ డిదివో దేవా

చ. 2:

మునులజడ లవిగో మోఁపులుకొలఁదులు
ఇనచంద్రాదుల నెక్కువగెలిచెను
చనవరి యింద్రుని స్వర్గము చేకొనె
యెనగొని హిరణ్యుఁ డిదివో దేవా

చ. 3:

పలుదిక్పాలులఁ బారఁగఁ దోలెను
బలిమినే పహ్లాదుఁ బరచీని
యెలమిని శ్రీవేంకటేశ నీవలన
యిలఁ గశిపుఁడు చెడె నిదివో దేవా