ఈ పుట ఆమోదించబడ్డది
రేకు: 0306-03 దేసాళం సం: 04-033 వైష్ణవ భక్తి
పల్లవి: చదివి బతుకరో సర్వ జనులు మీరు
కదిసి నారాయణాష్టాక్షర మిదియే
చ. 1:
సాదించి మున్ను శుకుఁడు చదివినట్టి చదువు
వేద వ్యాసులు చదివినచ దువు
అది కాలపు వైష్ణవులందరి నోటి చదువు
గాదిలి నారాయణాష్టాక్షర మిదియే
చ. 2:
సతతము మునులెల్ల చదివినట్టి చదువు
వెత దీర బ్రహ్మ చదివినచదువు
జతనమై ప్రహ్లాదుఁడు చదివి నట్టి చదువు
గతిగా నారాయణాష్టాక్షర మిదియే
చ. 3:
చలపట్టి దేవతలు చదివినట్టి చదువు
వెలయ విప్రులు చదివేటి చదువు
పలుమారు శ్రీ వేంకటపతినామమై భువిఁ
గలుగు నారాయణాష్టాక్షర మిదియే
