ఈ పుట ఆమోదించబడ్డది
రేకు: 0306-02 నాట సం: 04-032 నృసింహ
పల్లవి:
కదిరి నృసింహుఁడు కంభమున వెడలె
విదితముగా సేవించరొ మునులు
చ. 1:
ఫాలలోచనము భయదోగ్రముఖము
జ్వాలామయ కేసరములును
కాల రౌద్ర సంఘటిత దంతములు
హేలాగతి ధరియించుక నిలిచె
చ. 2:
ముడివడు బొమ్మలు ముంచిన వూర్పులు
గడగడ నదరెటి కటములును
నిడుద నాలికెయు నిక్కుఁ గర్ణములు-
నడియాలపు రూపై తా వెలసె
చ. 3:
సకలాయుధములు సహస్ర భుజములు
వికట నఖంబులు వెఁస బూని
వెకలి యగుచు శ్రీ వేంకటేశ్వరుఁడె
ప్రకటపు దుష్టుల భంజించె నిదివో