పుట:తాళ్ళపాక పదసాహిత్యం - నాలుగవ భాగం.pdf/208

వికీసోర్స్ నుండి
ఈ పుట అచ్చుదిద్దబడ్డది

________________

శరణాగతి రేకు:_0335-06 -భంగాళం సం:_04-207

పల్లవి: చెప్పినంతపనీ నేఁ జేయగలవాఁడ నింతే
అప్పటి నపరాధమా ఆదరించవలదా
చ. 1: నీయాజ్ఞ దేహము నే మోచితినింతే
యీయెడ విజ్ఞానమేల యియ్యవయ్యా
వేయి వేలై వేగుదాఁక వెట్టిసేసి యలసితి
వోయయ్య కొంతైన వూరడించవలదా
చ. 2: నీవు సేసేకర్మము నేఁజేయువాఁడ నీంతే
యీవల నానందసుఖ మియ్యవయ్యా
కోవరమై వెంట వెంటఁ గొలిచినబంట్లకు
తావులఁ గొంత వడైనా దప్పిదీర్చవలదా
చ. 3: మతిలో శ్రీవేంకటేశ మనికయినవాఁడ నీంతే
తతి నాపాటుకు దయదలఁచవయ్య
యితవై పనిసేసేటి యింటి పసురమునకు
వేతదీరఁ బాలార్చి వెడ్డు వెట్టఁదగదా