ఈ పుట ఆమోదించబడ్డది
రేకు: 0304-01 లలిత సం: 04-019 గురు వందన, నృసింహ
పల్లవి:
భావించు వారలపాలి భాగ్య మితఁ
డా వలనీ వల నంతర్యామి
చ. 1:
యీశ్వరేశ్వరుఁడు యితఁడు దివిజులకు
శాశ్వతమూరితి జగములకు
విశ్వాత్మకుఁడీ వివిధ జీవులకు
ఐశ్వర్యము మా యంతర్యామి
చ. 2:
నిత్యుఁడితఁ డొకఁడె నెరిఁ గాలములకు
సత్యం బీతఁడు చదువులకు
ప్రత్యక్షం బిదె భక్తకోటికిని
అత్యంతము మా యంతర్యామి
చ. 3:
గుణి నిర్గుణితఁడు గురుముని జనులకు
ప్రణవము వేదాంతపంక్తులకు
ప్రణుతి శ్రీవేంకటపతి లోకులకితఁ
డణురేణు పూర్ణుఁడంతర్యామి
