ఈ పుట ఆమోదించబడ్డది
రేకు: 0303-04 శుద్ధవసంతం సం: 04-016 శరణాగతి
పల్లవి:
ఇహపరసాధన మిది యొకటే
సహజపుమురారిసంకీర్తన నొకటే
చ. 1:
భవసాగరములఁ బాపెడిది తేప
భువి నజ్ఞానముపులివాకట్టిది
జవళి నాశాపాశములకుఁ గొడువలి
నవనీతచోరునామం బొకటే
చ. 2:
చింతాతిమిరముఁ జెరిచేటి సూర్యుఁడు
అంతట దరిద్రహతపు నిధానము
వింతమరణభయ వినాశమంత్రము
మంతుకు హరినామంబిది యొకటే
చ. 3:
మించు దుఃఖములమృత సంజీవని
అంచలఁ బంచేద్రియములు కంకుశము
యెంచగఁ శ్రీవేంకటేశు దాసులకు
బంచిన పాళ్లఁ బరగినదొకటే