పుట:ఘటికాచలమాహాత్మ్యము (తెనాలి రామకృష్ణుడు).pdf/156

ద్వితీయాశ్వాసము

75

⁠

ప్రబలనుగ్రప్రభుత తుదిరంగ మడర నంటె [1]ధారుణినని తను నఖిలజనము తూలనాడెడునిందకుఁజాల కపర వారిధినిబడెనన గ్రుంకె వనజహితుఁడు.

⁠ 141

గీ.⁠

[2]అస్తగిరిశిఖరాహతిధ్వస్త రవిర థాక్షనవపాతి శకటాంజనౌఘమనఁగ తుముల మదనప్రతాపాగ్ని ధూమమనఁగ నంధకారంబు జగమెల్ల నాక్రమించె.

⁠ 142

చ.⁠

జగముల నేకకాలమున శంబరవైరి జయింపఁబంచినన్ నిగిడిన నల్లమూకయని నింగియు నేల యనంతరూఢికై మొగి బెనగంగఁ జేరెనన బుట్టిన యిండ్లను జూడ భూమికై డిగఁబడు కార్మొగిళ్ళనఁగ ఠీవి దలిర్కొనె చిమ్మచీకటుల్.

⁠ 143

గీ.⁠

జలజవనినుండి తుమ్మెద వలసవోయెఁ గువలయ వనీదళాంతర గుహలు సేర బల్లిదుండయి చీకఁటి కొల్ల[3]కాడు వక్రవిక్రమగతి దిశలాక్రమింప.

⁠ 144

చ.⁠

సమయవణిగ్వరుం డతులసాంధ్యవిభారుణ కంజరాగ ర త్నము లెడలించి నీలి నునుదట్టపు టొల్లియ మీద చాలుగా నమరిచినట్టి చొక్కటపుటాణిమెఱుంగుల[4]మొత్తముల్ బలెన్ గ్రమముగఁ దోచెఁ దారక లఖండరుచిన్ గగనాంగణంబునన్.

⁠ 145

క.⁠

ఆకాశమండల[5]మధుమ ధూకానోకహమునందుఁ దులకించు సుమా నీకముజోకం [6]దగి య స్తోకప్రభ కడల నిక్కఁజుక్కలు దోచెను.

⁠ 146

1. వారుణి. తా.
2. హస్త. తా.
3. కాని. తా. కాడ పూ. ము.
4. ముత్తెముల్ వలెన్ గ్రమమున. తా.
5. మన. పూ. ము.
6. దని. తా.