పుట:ఘటికాచలమాహాత్మ్యము (తెనాలి రామకృష్ణుడు).pdf/119

ప్రథమాశ్వాసము

37

⁠

నానాటం దెల్లమిగాఁ గానందగు విష్ణుభక్తికలితాత్ములకున్.

⁠ 85

క.⁠

హరిచరణాంబుజభక్తికి గర మాకరమగుచు నేడుగాఁ నాజన్మాం తరకృతసుకృతము కతముగ దొరకె [1]న్నీదర్శనంబు దురితవిదూరా!

⁠ 86

ఉ.⁠

నావుడు వెండియున్ భృగువు నారదుఁ గన్గొని మౌనిచంద్ర! యిం కా విన నెమ్మదిన్మిగులఁ గౌతుక మయ్యెడు సాధుసంగమ శ్రీవరవైభవంబు సుధచిల్కెడుపల్కుల నానతిచ్చి న న్పావనచిత్తుఁ జేయు మని పల్క నతం [2]డను నాతపస్వితోన్.

⁠ 87

మ.⁠

సరయూతీరమునందు నొక్కపురరాజం బుగ్రభాస్వత్ప్రభా పరయూధప్రతిరోధకృన్మణిమయప్రాసాదహర్మ్యాంకమై పరరాజోత్కరదుర్నిరీక్ష్యపరిఘాప్రాకారనిశ్శంకమై మెరయున్ ధాత్రి నయోధ్యనాఁ బ్రకటమై మిత్రాన్వయాధారమై.

⁠ 88

ఉ.⁠

ఆ నగరాధినేత ధవళాంగుఁడు నాఁజను రాజశేఖరుం డానతరాజరాజమకుటాంచితనూత్నచిరత్నరత్నభా భానువిభానుయోగయుగపద్వికచ న్నిజపాదపద్ముఁడై యీనిఖిలావనీధుర ధరించె నుదంచితబాహుపీఠికన్.

⁠ 89

గీ.⁠

కరము సపరికరముగ సంగరముఁ దొరఁగి కరములు మొగిడ్చి పగతురు కరము లొసఁగి [3]కని మని భజింప విక్రమఖని యతండు నిండుకొలువుండి [4]యొక్కనా డుండినటుల.

⁠ 90

సీ.⁠

మాణిక్యమకుటంబు మాటి మస్తకమందుఁ [5]బిట్ట యీఁకల నెట్ట ముట్టిపడియె

⁠

1. ని. తా.
2. డును. తా.
3. రని.
4. యొకనాడునుండునటుల. తా.
5. బట్టియీ కేలనట్టె తా.; బట్టియీకలనట్టె పూ. ము.