| |
స్ఫుటభల్లాతకమాధవీకురవకాశోకావళీపాటలీ
కుటజాశ్వత్థకురంటకాదివివిధక్షోణీరుహవ్రాతమున్.
| 653
|
| చ. |
అలఘుచరిత్ర కంటె హృదయంబులఁ గూరినరాగపూరముల్
వెలి కుఱుకం బతత్రములు విప్పుచుఁ గప్పుచు జోడు గూడి యీ
పులినములందుఁ బెక్కెడలఁ బుష్పశరోద్ధతిఁ గేళి సల్పెడున్
గళరవమాధురీమహిమ గ్రాలఁగఁ జక్రమరాళదంపతుల్.
| 654
|
| ఉ. |
ఒక్కెడ మందమారుతరయోత్థితనూతనపుండరీక యై
యొక్కెడ శీతలోదకకణోక్షితకోకనదప్రకాండ యై
యొక్కెడ గంధలుబ్ధమధుపోదరనీలపయోజషండ యై
యొక్కెడ హృద్యసంపదల నొప్పుచు నున్నది కంటె నిమ్నగన్.
| 655
|
| క. |
పారిప్లవశతశోభిత, యై రమణీయాండజారవానాదిత యై
సూరిజననిషేవిత యై, యారూఢిం బొల్చుచున్న దాపగ కంటే.
| 656
|
| క. |
చందనతరుబృందంబు ల, మందమనోహరసుగంధిమహనీయము లై
కందళితవిద్రుమము లై, యందంద చెలంగుచున్న వంతటఁ గంటే.
| 657
|
| తే. |
అనఘ యీదేశ మతిరమ్య మగుచుఁ బొల్చెఁ, బర్వతోద్భూతసకలసంపదలచేత
వర్షరాత్రంబు చనుదాఁక హర్ష మెసఁగ, నిచట వసియింత మఖిలార్థహితము పొంటె.
| 658
|
| వ. |
మఱియు సుగ్రీవపాలితం బైనకిష్కింధాపురం బిచ్చటికి సమీపం బై యుండు
మృదంగాడంబరంబుతో ఁ గూడి గీతవాదిత్రనిర్ధోషంబును వానరులకోలాహల
శబ్దంబును వినఁబడుచున్న దని పలికి వెండియు రాముం డి ట్లనియె.
| 659
|
| క. |
హరిరాజ్యంబును భార్యను, నిరుపమగతి నధిగమించి నిత్యశ్రీవి
స్ఫురణ నిననందనుం డ, త్యురుతరసుఖగోష్ఠి నలరుచుండుం గాదే.
| 660
|
| వ. |
అని పలికి యారఘుకుంజరుండు బహుదృశ్యదరీకుంజపుంజరంజితం బై నయన్న
గంబునం బొల్చుగుహయందు నధివసించె నప్పుడు.
| 661
|
| క. |
నిరుపమధాతుసముజ్జ్వల, సురుచిరమణికటకసానుశోభిత మయ్యు
న్గిరి సీతావిరహితుఁ డగు, నరవిభునకు సమ్మదం బొనర్పక యుండెన్.
| 662
|
రాముఁడు సీతం దలంచుకొని దుఃఖించుట
| వ. |
ఇత్తెఱంగున నారఘుసత్తమందు లక్ష్మణసహితంబుగా గిరిగుహ నాశ్రయించి.
| 663
|
| ఉ. |
అచ్చటిపద్మకుట్మలము లచ్చటిమత్తమధువ్రతవ్రజం
బచ్చటినూతనోత్పలము లచ్చటిదాడిమీబీజసంచయం
బచ్చుగ జానకీకుచకచాక్షిరదద్యుతిఁ దెల్ప నాత్మలో
హెచ్చిన శోకతాపమున నెంతయుఁ తత్పరతన్ కృశించుచున్.
| 664
|
| చ. |
చిలుకలు మ్రోయఁ గోయిలలు చెంగటఁ గూయఁగఁ బిన్నతెమ్మెర
|
|
