| ఆ. |
నొకట మాయఁ బన్ను నొక్కెడఁ గలుషించు, నొక్కమూలఁ ద్రుళ్లు నొకట నవ్వు
విబుధవైరి యిట్లు విష్ణుపదంబునఁ, జిత్రగతిఁ జరించెఁ జిక్కు పడక.
| 1798
|
| ఆ. |
రాజసుతులు దైత్యరాజనందనముక్త, శరకృతక్షతాభిజాతరక్త
పూరసిక్తు లగుచుఁ బుష్పితకింశుక, భూరుహములభంగిఁ బొల్చి రపుడు.
| 1799
|
| క. |
ఈగతి ననన్యభేద్యుం, డై గురుతరబాహుశక్తి నసమానశరో
ద్వేగమున రాజవర్యుల, బాగుగ నెగడుపడఁ జేసి పటుశౌర్యమునన్.
| 1800
|
| చ. |
ధనువు రథంబు గుఱ్ఱములు తానును సారథియు న్బతాకయుం
గనఁబడకుండఁ దీవ్రగమనంబునఁ బైఁ బయి నాక్రమించి కాం
చనవలయప్రదీప్తపటుశాణశితాగ్రశరంబు లేయుచున్
బెనఁకువ మీఱవానరులఁ బీనుఁగుపెంటలఁ జేసె నెంతయున్.
| 1801
|
| క. |
విచ్చలవిడి నద్దైత్యుఁడు, చెచ్చెర నిగిడించునట్టి శితసాయకముల్
క్రచ్చఱఁ బిడుగులక్రియ భూ, భృచ్చరతతిమీఁదఁ బడియె భీషణభంగిన్.
| 1802
|
| వ. |
ఇట్లు మహాద్భుతప్రకారంబున నంతర్ధానగతుండై రణంబు సేయుచున్న శక్ర
జితునియాటోపంబుఁ జూచి సహింపక లక్ష్మణుండు సంక్రుద్ధుండై రామభద్రు
నవలోకించి యిట్లనియె.
| 1803
|
| ఉ. |
గర్హితవర్తనుండు దశకంఠతనూజుఁడు మాయఁ బన్ని యం
తర్హితకాయుఁడై కడుమదంబున నంబరవీథినుండి మా
నార్హుల వానరోత్తముల నంబకవిద్ధులఁ జేయుచున్నవాఁ
డర్హమె సద్గుణాఢ్య మన కార్తులఁ బ్రోవ కుపేక్ష సేయఁగన్.
| 1804
|
| క. |
ఆలస్య మేటి కిఁక నర, పాలమణీ యానతిమ్ము బ్రహ్మాస్త్రమునన్
నాలాయము నిఖిలాసుర, జాలంబుల గడియలోన సమయింతు ననిన్.
| 1805
|
రాముఁ డింద్రజిత్తును వధింప నిశ్చయించుట
| చ. |
అన విని రాముఁ డిట్లనియె నక్కట యొక్కనికై కుమార యీ
దనుజుల నెల్లఁ ద్రుంచు టది ధర్మమె నీ కది గాక భీతిమైఁ
జనియెడువాని ఛన్ను నని సల్పనివాని నిరాయుధుం బ్రమ
త్తుని శరణాగతుం గృపణుఁ ద్రుంపఁగరా దనిలోన ఱేనికిన్.
| 1806
|
| ఉ. |
పాయక వీని వేఱొకయుపాయమునం బరిమార్ప యత్నమున్
జేయఁగఁబోలు మిక్కిలి ప్రసిద్ధఫణాధరసన్నిభాస్త్రముల్
సాయకము న్వెసం బఱపి సాంద్రతరంబుగు గ్రమ్మి యున్న యీ
మాయ నడంగఁ జేయుదము మానక యవ్వల వీఁడు దోఁచెడిన్.
| 1807
|
| ఉ. |
అంతట వానరప్రవరు లద్భుతవీర్యుని క్షుద్రకర్ముఁ గా
లాంతకతుల్యు మాయికు ననంతబలాడ్యుని వీనిఁ జూచి రో
ధోంతర మెల్ల నిండ వడి నార్చుచు మ్రాకుల ఱాళ్ల వీని మే
|
|
