| |
భ్యాశగతాద్రికందరములందుకు డాఁగిరి కొంద ఱార్తులై.
| 1780
|
| ఉ. |
ఆయసురేంద్రుఁ డిట్లు విపినాటులఁ గాండముల న్బడల్పడం
జేయుచు వచ్చి యొక్కెడఁ ద్రిశృంగయుతాద్రులభంగిఁ బొల్చి యా
చాయకు డాయకుండ శరజాలము లేయుచు రౌద్రమూర్తులై
పాయక సైన్యమధ్యమున భాసిలుచున్ననరేంద్రసూనులన్.
| 1781
|
| ఉ. |
చూచి నిజంబు వీరె నృపసూను లటం చటు నిశ్చయించి దో
షాచరవంశశేఖరుఁడు చాపము సజ్యము చేసి ఘోరనా
రాచపరంపర ల్పలుదెఱంగులఁ బైఁ బరఁగించె జన్యవి
ద్యాచతురత్వ మేర్పడ లయాభ్రము దారుణవర్షముం బలెన్.
| 1782
|
| తే. |
మఱియు నానైరృతుఁడు దివ్యమంత్రశక్తి
రథముతోఁ గూడ గగనమార్గమున కెగసి
సంచరించుచు దృష్టిగోచరుఁడు గాక
ఘోరశతకోటినిభశరకోటిఁ బంచె.
| 1783
|
| క. |
పెనువెల్లువకైవడి వడిఁ, జనుదెంచుసురేంద్రవైరిచాపవిముక్త
స్వనయుక్తశరౌఘం బా, ఘనులకు వారింప నలవి గాకుండె ననిన్.
| 1784
|
| ఉ. |
ఏమని చెప్పవచ్చు నసురేంద్రకుమారుఁ డొనర్చు ఘోరసం
గ్రామవిధంబు తన్నిశితకాండకృతవ్రణజాతరక్తధా
రామిళితాంగులై మనుజరాజులు జేవుఱుటేర్లతోడి యు
ద్దామనగంబులో యనఁగఁ దద్దయుఁ జూడఁగ నొప్పి రయ్యెడన్.
| 1785
|
| ఉ. |
అంత నొకింతసేపునకు నారఘువర్యులు ధైర్య మూఁది కా
లాంతకదండతుల్యవివిధాంబకము ల్వెస వింటఁ గూర్చి రో
దోంతర మెల్ల నిండ రయమార నిగిడ్చి దశాస్యసూతిపైఁ
బంత మెలర్ప దీవ్రపటుబాణచతుష్టయ మేసి రుద్ధతిన్.
| 1786
|
| ఉ. |
ఆరజనీచరేంద్రుఁడు దురంతనిశాచరమాయఁ బన్ని యే
పారఁగ దిఙ్నభోగత సమస్చతరాచరభూతజాలముల్
సూరెల నెవ్వియు న్వెదకి చూచినఁ గన్పడకుండ సాంద్రనీ
హారమనాంధకారతమ మద్భుతభంగి సృజించె నుద్ధతిన్.
| 1787
|
ఇంద్రజిత్తు రామలక్ష్మణులమీఁద బాణవర్షము గురియుట
| తే. |
కదిసి జడివాన గురియుమేఘంబులోని
స్తనితములభంగి రథనేమిచాపనిస్వ
నములు విన వచ్చుఁ గాని తత్తిమిరమందుఁ
గాన రాదయ్యె నింద్రారికాయ మపుడు.
| 1788
|
| చ. |
దనుజవరేణ్యపుత్త్రుఁడు పితామహదత్తవరుండు గానఁ జ
|
|
