| |
బ్రథనక్షోణికి నేగె నప్పుడు మహాపార్శ్వుండు ఘోరాకృతిన్.
| 1418
|
| చ. |
పొదలుచుఁ బర్వకాలమునఁ బొంగుసముద్రజలౌఘ మమ్మహా
నది కెదురెక్కుభంగిఁ గదనస్పృహ మీఱ బలౌఘ ముద్దతి
న్వదలక యమ్మహారథికవర్యుల వెన్కొని యేగె బల్విడిం
బదహతి నుర్వి గ్రక్కదలఁ బ్రాంశుపరాగము నింగి మ్రింగఁగన్.
| 1419
|
| క. |
అపు డాదైత్యకుమారులు, తపనసమప్రభులు మణివతంసాయతకాం
తిపరీతు లై వెలింగిరి, క్షపాచరులనడుమ మింట గ్రహములమాడ్కిన్.
| 1420
|
| ఆ. |
మఱియు దనుజహస్తమండితధవళాస్త్ర, శస్త్రరాజి చాలశారదాభ్ర
సన్నికాశ మగుచుఁ జటులహంసావళి, భంగి నింగిపై వెలింగె నపుడు.
| 1421
|
| క. |
అరుల వధించుట యొండెను, మరణం బొండె నని యిట్లు మతిఁ జేసి నిశా
చరవీరులు తెంపున సం, గరమునకును జనిరి యపుడు కడురభసమునన్.
| 1422
|
| మ. |
త్రిదశారిప్రియనందను ల్కుపితు లై ధీరోద్ధతి న్యుద్ధదు
ర్మదు లై దారుణశింజినీధ్వనులు మీఱి న్విండ్లు సారించుచు
న్బ్రదరంబు ల్నిగిడించుచు న్నగుచు సంభాషించుచు న్మ్రోయుచుం
గదనక్షోణికి నేగి రప్పుడు మహాకల్పాంతకాకారు లై.
| 1424
|
| సీ. |
మలయవింధ్యాదికకులమహీధరగుహాద్వారంబులను బ్రతిధ్వనులు సెలఁగఁ
గడ లెత్తి మ్రోయుచుఁ గంధు లభంగతరంగము ల్మిన్నందఁ బొంగి పొరలఁ
గోణాభిహత మైనకుంభంబుపోలికిఁ గడువడి గగనభాగంబు పగుల
లంకాత్రికూటశైలదితిజాన్వితముగా జగతి కుమ్మరసారెపగిదిఁ దిరుగఁ
|
|
| తే. |
ఘోరకాహళశంఖభేరీరవములు, హేషలు రథస్వనములు బృంహితము లుగ్ర
భూరిసింహనాదంబు లాస్ఫోటితంబు, లేక మై మ్రోసె నపుడు దివౌకు లదర.
| 1425
|
| వ. |
ఇట్లు భీషణప్రకారంబున నద్దోషాచరవీరులు సకలసాంగ్రామికపరికరసమేతులై
రణంబునకు వెడలి పురంబు నిర్గమించి యగ్రభాగంబున.
| 1426
|
| ఉ. |
పాదపము ల్మహాశిలలు పర్వతము ల్గొని నిర్విశంకు లై
మోదము జన్యకౌతుకము మోములఁ గన్పడ నెవ్వ రాజి సం
వాద మొనర్ప నిచ్చటికి వచ్చెదరో యని చూచుచున్నక్ర
వ్యాదులపాలియంతకుల వానరవీరులఁ జూచి రెంతయున్.
| 1427
|
వానరరాక్షసుల యెనిమిదవనాఁటియుద్ధము
| చ. |
కరిరథవాజియుక్త మయి కాలవలాహకతుల్య మై నిరం
తరనరకింకిణీరవనినాదిత మై రవివహ్నితుల్యక
ర్బురవృత మై సముద్యతనుపుంఖవరాయుధకేతుదండ మై
తఱుచుగ వచ్చురాక్షసకదంబముఁ గన్గొని రాబలీముఖుల్.
| 1428
|
