| |
విగతనాయకులునై భయంబున ఘోషించుచుం బఱచి భిన్నచిత్తులై రాముని
శరణంబు నొంది రప్పుడు భయార్దితు లై పఱచుకపుల నిరీక్షించి వాలిపుత్రుం
డైనయంగదుండు వేగ౦బున నొక్కగిరిశిఖరంబు కరంబునం బూని సారెకు
మహావాదంబు సేయుచుఁ గుంభకర్ణపదానుగు లైనరాక్షసులకు భయంబుఁ
బుట్టించుచు నతిరభసంబుగాఁ బఱతెంచి.
| 1336
|
అంగదుఁడు కుంభకర్ణునితో యుద్ధము చేసి మూర్ఛిల్లుట
| సీ. |
కడురయంబునఁ గుంభకర్ణునిశిరముపై బృథుమహీధరశృంగ మెత్తి వైవ
నద్దానవుండు మహాకోపమున నుండి చరణఘట్టనమునఁ బుడమి యదర
నాకంబు పగుల మహాధ్వని సేయుచు వాఁడిమగం డైనవాలిసుతుని
డాయఁగ వచ్చి కాలాయసమయ మైనచటులశూలంబు రోషమున వైవ
|
|
| తే. |
దాని వీక్షించి జన్యవిద్యావిదుండు, ప్లవగకులశేఖరుం డతిలాఘవమున
వ్రేటు దప్పించుకొని భుజవిక్రమంబు, గ్రాలఁ గడురభసంబునఁ గదియవచ్చి.
| 1337
|
| చ. |
పటుశతకోటితుల్య మగుపాణితలంబునఁ గుంభకర్ణునిం
దటుకున వ్రేసె వ్రేయుటయుఁ దద్దయు దొమ్మరవోయి యంతలో
దిటమునఁ గొంతసేపునకుఁ దేఱి రయంబున ముష్టిచే మదో
త్కటముగ వాలిజుం బొడువఁ దప్పక మూర్ఛితుఁ డయ్యె నాతఁడున్.
| 1338
|
| ఉ. |
ఈగతి నంగదుం గినుక నెంతయు మూర్ఛితుఁ జేసి భూరిదో
ర్వేగ మెలర్ప రాత్రిచరవీరుఁడు శూలము దాల్చి కన్నుల
న్రాగ మెలర్ప వేగ రవినందనుమీఁదికి నాగ్రహంబుతో
నేగెఁ బదాభిఘాతమునఁ బృథ్వి చలింపఁ జలంబు మీఱఁగన్.
| 1339
|
| శా. |
ఈరీతిం జనుదెంచురాత్రిచరుని న్వీక్షించి సంరంభి యై
వీరుం డాప్లవగాధిపుండు పటుద్వోర్వీర్యంబు దీపింపఁగా
ధీరత్వంబున శైలము న్గొని వియద్వీథి న్వడిం ద్రిప్పుచు
న్ఘోరప్రక్రియ వానిమీఁది కుఱికెం గ్రోధంబు రెట్టింపఁగన్.
| 1340
|
| చ. |
ఇటు చనుదెంచు చున్నప్లవగేంద్రునిఁ గన్గొని కుంభకర్ణుఁ డు
త్కటపటురోషవేగమునఁ గన్నుల నగ్నికణంబు లొల్కఁగాఁ
గుటిలమనస్కుఁ డై వికృతఘోరశరీరము మిన్ను ముట్ట మ
ర్కటకులభర్త క ట్లభిముఖంబుగ నిల్చె మహాద్భుతంబుగన్.
| 1341
|
| క. |
కపిశోణితదిగ్ధాంగునిఁ, గపుల న్వడి మ్రింగువాని ఘటకర్ణునిఁ గ్రో
ధపరీతచిత్తుఁ గనుఁగొని, కపివిభుఁ డిట్లనుచుఁ బలికె గర్వం బెసఁగన్.
| 1342
|
సుగ్రీవుఁడు కుంభకర్ణునితోఁ బోరి మూర్ఛిల్లుట
| చ. |
కడువడి దుష్కరం బయినకార్య మొనర్చి తనేకవీరులం
గెడఫితి వాజి దుర్జయులఁ గీశుల మ్రింగితి వింతె చాలు నీ
|
|
