| |
గ్రమ్ము దేఱ మొగంబునం దెలివి దొరకొన నిటలతటఘటితాంజలిపుటుం డై
మందమధురవాక్యంబున ని ట్లనియె.
| 319
|
| సీ. |
ఏమహామహునిచే నీసాలసప్తకం బొకబాణమునఁ దెగి యుర్విఁ గూలె
నట్టినీ వధిప సర్వాస్త్రకోవిదులలో నధికుఁడ వురువిక్రమాన్వితుఁడవు
నీవు కోపించిన నిర్జరులై నను బొలియుదు రొకవాలి పొలియు టెంత
యమరేంద్రతుల్యుఁడ వగునిన్ను సఖునిగాఁ బడసి యిప్పుడు గతవ్యధుఁడ నైతి
|
|
| తే. |
నింకఁ దడ వేల కరుణార్ద్రదృష్టి మామ, కాంజలిఁ బ్రతిగ్రహించి సమంచితముగ
భ్రాతృరూపకరిపుని విఖ్యాతబలుని, వాలిని వధించి యుపకారశీలి వగుము.
| 320
|
| వ. |
అని యివ్విధంబున నభ్యర్థించినఁ బ్రియదర్శనుం డగుసుగ్రీవునిఁ బరమానందం
బునం బరిష్వజించి మహాప్రాజ్ఞుం డగురాముండు లక్ష్మణునియనుమతి వడసి శుభ
వాక్యంబున ని ట్లనియె.
| 321
|
రాముననుమతిని సుగ్రీవుఁడు వాలితోఁ బోరం బోవుట
| ఉ. |
బంధురవిక్రమస్ఫురణ భానుజ మున్నుగ నీవు వేగ కి
ష్కింధకుఁ బోయి వాలిని బ్రసిద్ధభుజాబలశాలి వీర్యగ
ర్వాంధునిఁ బోరికిం బిలువు మవ్వల మేమును నీపిఱుంద ని
ర్మంధరవృత్తి వచ్చెద మమానుషసాహసరేఖ తోఁపఁగన్.
| 322
|
| క. |
హరిపతి కిటు రఘుపతి వెరు, వెఱిఁగించి కడంగి వానరేశ్వరహననా
భిరతిం జని తా నొకచో, గురుతరువులు మాటు చేసికొని యుండె రహిన్.
| 323
|
| క. |
సుగ్రీవుఁ డంత రాము న, నుగ్రహ మది నచ్చి గతమనోవ్యాకులుఁడై
విగ్రహరతిఁ గిష్కింధకు, నాగ్రహమునఁ జనియె శీఘ్రయానప్రౌఢిన్.
| 324
|
| క. |
ఈగతిఁ గిష్కింధాపురి, కేగి గగన మగలున ట్లహీనధ్వానో
ద్యోగంబు సలిపి ఘనబా, హాగర్వ మెలర్ప వాలి నాజికిఁ బిలిచెన్.
| 325
|
| ఉ. |
ఆరవ మాలకించి హృదయంబునఁ గోపము చెంగలింపఁ బా
కారిసుతుండు శీఘ్రమున నస్తతటంబుననుండి వచ్చునం
భోరుహమిత్రుచందమునఁ బూని జవంబున వచ్చి తాఁకె వి
స్ఫారకఠోరబాహుబల నాహసవిక్రమదుర్నివారుఁ డై.
| 326
|
| క. |
ఈరీతిం దలపడుటయు, శూరోత్తము లైనవాలి సుగ్రీవులకున్
ఘోరముగఁ జెల్లె మింటం, బోరు బుధాంగారకులకుఁ బోలె దుములమై.
| 327
|
| క. |
పిడుగులకు సాటి రాఁదగు, పిడికిటిపోటులను ఘోరభిదురముకంటె
న్బెడిదము లగుతలహతులను, వడిఁ బోరిరి మింట వృత్రవాసవులక్రియన్.
| 328
|
రాముఁడు వాలిసుగ్రీవులతారతమ్యం బెఱుంగక వితర్కించుట
| వ. |
ఇట్లు తార్కొని యవక్రపరాక్రమంబునం బోరుచుండ.
| 329
|
