| |
బఱపుదునొ శక్రు ద్రుంతునో యెఱుఁగఁ జెపుఁడు
మీ రిపుడు మత్ప్రబోధనకారణంబు.
| 1186
|
| వ. |
అని యిట్లు సంరబ్ధుం డై పలికిన మహాబలుం డగుకుంభకర్ణునివాక్యం బాకర్ణించి
రాజసచివుం డగుయూపాక్షుండు బద్ధాంజలిపుటుం డై యి ట్లనియె.
| 1187
|
యూపాక్షుఁడు రావణునకుం బాటిల్లినయాపదను గుంభకర్ణున కెఱింగించుట
| సీ. |
రాక్షసనాథుండు రామునిపత్నిని మచ్చరంబునఁ జెఱఁ దెచ్చుటయును
జగతీశుపంపున నగచరుఁ డొక్కఁడు వారిధి తరియించి వచ్చి లంక
సొచ్చి జానకిఁ జూచి సురుచిరవనభంగ మొనరించి పెక్కండ్ర దనుజవరుల
ఖండించి పుర మెల్లఁ గాల్చి పోవుటయును వింటిరె కద మీరు వీరవర్యుఁ
|
|
| తే. |
డానరేంద్రుఁడు వానరసేనఁ గూడి
జలధి లంఘించి వచ్చి ప్రచండభంగి
లంక నరికట్టుకొని నిరాటంకమహిమఁ
గదనమున దైత్యవరులఁ బెక్కండ్రఁ దునిమె.
| 1188
|
| ఉ. |
పన్నగసిద్ధసాధ్యమునిపక్షిసురాసురాయక్షకోటిచే
నెన్నఁడుఁ బోరులందు భయమింత యెఱుంగనిమాకు నేఁడు వీ
ర్యోన్నతుఁడైన రాఘవనృపోత్తముచే నిటు దీర్ప రానియా
పన్నత వచ్చె మమ్ము సురభంజన చేకొని యుద్ధరింపవే.
| 1189
|
| తే. |
దైత్యదానవదేవసంతతులవలనఁ
బ్రథనములఁ గల్గుభయ మింత భయము గాదు
మనుజుఁ డింతకు వచ్చెఁ గ్రమంబు దప్పి
యే మనఁగ వచ్చు నాతనిదీమసంబు.
| 1190
|
| క. |
గిరిసన్నిభు లగుకీశులు, గురుబలముల లంకఁ జుట్టుకొని సమదగతిం
బరువడి రాత్రిచరులఁ గా, వరమున భంజించుచున్నవా రసురవరా.
| 1191
|
| మ. |
అరుదార న్మనవజ్రదంష్ట్రుఁడు విరూపాక్షుండునుం గృత్తశ
స్తరిపుస్తోముఁ డకంపనుం డఖిలరక్షస్సైన్యపాలుండు దు
ర్భరతేజుండు ప్రహస్తుఁడుం గెడసి రుద్యద్భాహుసత్త్వప్రశ
స్తరణాకంపితవీరవానరులచే సంగ్రామరంగంబునన్.
| 1192
|
| చ. |
అనిమిషసిద్ధసాధ్యపతగాహులచేతఁ బరాజయం బెఱుం
గనిదనుజేశ్వరుండు దశకంఠుఁడు నిన్న మహారణంబులో
దినకరతేజుఁ డైననరదేవునిచేఁ గడుఁ బ్రాణసంశయం
బునఁ బ్రవిముక్తుఁ డయ్యెఁ దన పూర్వభవాపద నేమి చెప్పుదున్.
| 1193
|
| క. |
మున్నెన్నఁ డిట్టిచోద్యము, గన్నది లే దసురవర్య కాకుత్స్థుఁడు మీ
యన్నను వధింపఁ దలకొని, యున్నాఁ డన్నెగులు విభున కుడుపఁగవలయున్.
| 1194
|
