మహోత్తాలతాలంబు లంసభాగంబుల నలవరించుకొని పాదవిన్యాసంబులఁ
బుడమి గ్రక్కదలఁ దలపడి యడరునంతలోనఁ గాలాయసమయంబు లగు
ముసలంబు లుత్తమాంగంబులపయిం బడిన నిష్పిష్టశరీరు లై శిరంబులు పగిలి
గిరిశిఖరంబులవలనం దొరఁగు సెలయేళ్లకరణి సాంద్రంబుగా రక్తధారలు
స్రవింపఁ బుడమింబడి కెడయుమర్కటులును మదపుటేనుంగుల డీ కొలిపి తోమ
రాంకుశప్రహారంబుల నెదిరివారిం బ్రహరింప నుంకించునంతలోన విశాలసాల
తాలప్రహతుల విభిన్నవక్షు లై రుధిరంబులు గ్రక్కుచు వివృతవదను లై పుడ
మిం ద్రెళ్లి జీవితంబులు విడుచుగజారోహకు లగుదానవులును మహేంద్ర
ధ్వజసంకాశంబు లైనదీర్ఘాంచితలాంగూలంబు లెత్తికొని భీషణరభసాతిరేకం
బున వడి నడుచునంతలోన నర్ధచంద్రసాయకంబులఁ గంఠనాళంబులు దెగిన
నదియె వేగంబున నొక్కింతదూరం బరిగి గతాసు లై నేలం గూలువళీ
ముఖులును హయంబులు దుమికించుచు నిశాతంబు లగుకౌక్షేయకంబు లెత్తి
కొని యొరులం దెగవేయ గమకించునంతలోన దృఢం బగువాలపాశంబుల
నురివెట్టి పుడమికిం బడ నీడ్చిన నూపిరి వెడలక తన్నుకొని చచ్చునాశ్వికు
లగుయాతుధానులును నిశాతనఖంబుల వ్రచ్చి వధింప వీరావేశంబునం జను
దెంచునంతలోన నిశాతాగ్రంబు లగుకుంతంబులం బొడిచిన గతజీవు లై
కుఠారధారానికృత్తంబు లగుతరువులపోలికి రోఁజుచుఁ బుడమిం ద్రెళ్లుకపులును
దీక్ష్ణాగ్రంబు లగుశూలంబు లెత్తుకొని మహాశనివేగంబున డాయునంతలోన
వజ్రశనిసమస్పర్శంబు లగుపిడికిటిపోటులం గ్రుమ్మిన భగ్నసర్వావయవులై గూ
లునిశాచరులును నొగలు పట్టుకొని రథికసారథిరథ్యసహితంబుగా భుజాబలంబు
కొలంది విసరి వైచిన విభిన్నసర్వాంగంబులై పడురథంబులును మహేంద్రధ్వజ
సన్నిభంబు లగుతుండంబులు పట్టుకొని జిఱజిఱం ద్రిప్పి నేలకు వేసినఁ జిదు
రుపలై ధరం దొరఁగుమత్తేభంబులును నఖదంతప్రహతుల శరీరంబులు వ్రచ్చి
న ననేకముఖంబుల శోణితంబు లొలుకఁ జిందఱవందఱలై మడయుతురంగం
బులునుం గలిగి యయ్యాయోధనం బత్యద్భుతదర్శనం బయ్యెఁ బ్రహస్తునిసచి
వులు నరాంతకుండును గుంభహనుండును మహానాదుండును సమున్నతుండును
దలమిగిలి వానరబలంబులకుం గవిసి యనేకశస్త్రాస్త్రపరంపరలు పరఁగించి పెక్కండ్ర
నక్కజంబుగా నుక్కణంగించుచుఁ బెక్కుతెఱంగుల రణక్రీడ గావించిన నది
విలోకించి యలుక వొడమినచిత్తంబున వియత్తలం బుత్తలపడ సింహనాదం
బులు సేయుచు మహారంహంబున వానరసింహు గుద్వివిదుండును దారుండును
జాంబవంతుండును దుర్ముఖుండును గ్రమంబున వారలం దలపడి విచిత్ర
ప్రకారంబున శిలాపాదపంబులఁ గొండొకసేపు ఘోరంబుగాఁ బోరు గావించి రంత.
