| తే. |
గలరు తక్కినకీశవర్యులు మదర్థ
మందుఁ బ్రాణము దాఁపక యని యొనర్చి
రింగ నాయనుమతమున నెల్లవారి
నాత్మనిలయంబులకుఁ బోవుఁ డనుచుఁ జెపుమ.
| 841
|
| తే. |
అనఘ నీవును నాతోడ నన్నమాట
తప్పకుండ ననేకయత్నములఁ బోరి
చూచితివి దైవ మిటు దప్పఁ జూచె నింక
నేమి కార్యము కిష్కింధ కేగు మిపుడు.
| 842
|
సుగ్రీవాదులు రామవచనంబులు విని దుఃఖించుట
| క. |
నా వీని రఘువర్యునిపరి, దేవితము న్విని కరంబు ధృతి చెడి వెస సు
గ్రీవాదికీశు లందఱు, భావంబున నదరి కనుల బాష్పము లొలుకన్.
| 843
|
| వ. |
మిక్కిలి శోకరోదనతామ్రాక్షు లై రంతకు మున్ను విభీషణుండు సైన్యంబుల
నాశ్వాసించుటకుం జని యున్నవాఁడగుటవలన నభయప్రదానంబున ననీకంబు
ల సంస్థాపించి గదాపాణి యై మరలి రాఘవుం డున్నచోటికి రయంబునం
జనుదెంచుచుండ నీలాంజనచయోపమం బైనయద్దానవేంద్రునియాకారం బుప
లక్షించి వానరు లందఱు శక్రజిత్తు మరలఁ జనుదెంచె నని శంకించి భయకంపి
తశరీరు లై పఱవం దొడంగిన నత్తెఱం గంతయు నాలోకించి మహాతేజుం
డగుసుగ్రీవుండు విరుద్ధదిగ్వాయుహతం బైననావచనంబున వానరసేన వ్యధిత
యయ్యె నిది యేమి యని యడిగిన నంగదుం డిట్లనియె.
| 844
|
| ఉ. |
వానరనాథ నీ వెఱుఁగవా దనుజేంద్రకుమారుఁ డైనయా
దానవు బాణపాతమునఁ దద్దయు నొచ్చి విసంజ్ఞు లై మహి
న్మానక గూలి యున్నయలమానవనాథులపాటుఁ జూచి యీ
వానరసేన భీతిమెయి వారక పాఱఁ దొడంగె బల్విడిన్.
| 845
|
| వ. |
ఇట్లు సుగ్రీవోక్తప్రశ్నవాక్యాభిప్రాయం బెఱుంగక పలికినయంగదునివిపరీతో
త్తరంబు విని యక్కపినాథుండు వెండియు సాభిప్రాయంబు తేటపడ నతని
విలోకించి యీకపిసైన్యపలాయనం బనిమిత్తంబు కాదను తలంపున నపూర్వ
భయనిమిత్తంబునఁ గాఁదగినయది యని యూహించె నని పలికి వెండియు
నిట్లనియె.
| 846
|
| సీ. |
ఈహరివీరు లుత్సాహంబు పోఁ బెట్టి వదనంబునందు వైవర్ణ్య మొదవఁ
బ్రవిషణ్ణమూర్తులై ప్రహరణంబులు వీడి భయకంపితాంగులై రయమెలర్పఁ
దిరిగి చూడక పరస్పరసమాహతు లయి కడువడి సేతుమార్గమును బట్టి
పరువెత్తుచున్నవా రరయ వీరికి నింత భయ మేల గలిగి నిబ్బంగి యేమి
|
|
| తే. |
యనుచుఁ బెక్కుదెఱంగుల నడుగుచుండ
నంతలోన గదాపాణి యై విభీష
|
|
