| |
విడిచి తనంతఁ దానె నను వేడుక మీఱ వరించునే కదా.
| 802
|
| చ. |
అని యిటు పల్కి పంక్తిముఖుఁ డాత్మపురంబు నలంకరింపఁ గాఁ
బనిచి ప్రచండవీర్యు లగుపార్థివసూనులు రామలక్ష్మణు
ల్మునుకొని వజ్రపాణిజిదమోఘశరంబుల భిన్నదేహు లై
యనిమొన నేఁటిరాత్రి హతులై రని చాటఁగ బంచె నప్పురిన్.
| 803
|
రాక్షసస్త్రీలు సీతను బుష్పకంబుపై నెక్కించుకొని యుద్ధభూమికిఁ దొడ్కొనిపోవుట
| సీ. |
రాక్షసాంగన లంత రావణుపనుపున నవ్యపుష్పకవిమానంబు గొనుచుఁ
దడయక త్రిజటాయుతంబుగ జానకిపాలికి వెస నేగి భర్తృశోక
కర్శిత యైనయాకమలాక్షి నద్దివ్యయానంబుపైఁ ద్రిజటాన్వితముగ
నెక్కించుకొని రయం బెసఁగ నాకాశమార్గమున రణావనిఁ గదియ నరిగి
|
|
| ఆ. |
శక్రజిత్ప్రయుక్తశరనికృత్తాంగు లై, ధాత్రిఁ గూలియున్నదాశరథులఁ
బైరుమాడ్కిఁ బుడమిఁ బడి యున్నకపిసైన్య, సమితిఁ జూపి రపుడు జనకసుతకు.
| 804
|
| వ. |
ఇట్లు రాక్షసస్త్రీసందర్శితం బైనవానరసైన్యంబును బ్రహృష్టు లైనరాక్షసుల
ను విప్రవిద్ధశరాసనులై విధ్వస్తకవచులై విశిఖవిదారితసర్వావయవులై శరస్తం
బమయులై శరతల్పగతులై విసంజ్ఞులై నిమీలితనేత్రులై పాంసుపరిచ్ఛన్నగాత్రు
లై రణమేదినిం బడియున్నవారిఁ బుండరీకవిశాలాక్షులఁ గుమారసంకాశుల
జీవసమప్రభావులఁ బురుషశ్రేష్ఠుల రామలక్ష్మణుల నవలోకించి వారిచుట్టునుం
బరివేష్టించి దుఃఖార్తు లై యున్నహనుమదంగదాదియూథపులఁ గనుంగొని
బాష్పశోకాభిహత యై రోజదనంబు సేయుచు బుద్ధిమోహంబున నిక్కంబుగా
హతులై రని తలంచి యిట్లని విలపించె.
| 805
|
సీత పడియున్న రామలక్ష్మణులఁ జూచి విలపించుట
| సీ. |
తరలాక్షి నీకు వైధవ్య మెన్నటికి లే దనిరి సాముద్రికు లరసి చూచి
యజ్వలు చూచి కృతాశ్వమేధాదివి మహిషి వయ్యెద వని మాటి కనిరి
మౌహూర్తికులు చూచి మంగళాత్మిక వయ్యె దనుచు మత్సన్నిధి నాడిరి మును
ధవళాక్షి వీరపార్థివపత్ని వై సుఖించెద వని పలికిరి శిష్టజనులు
|
|
| తే. |
రాముఁడు సమస్తసుగుణాభిరాముఁ డినకు
లాంబునిధిసోముఁ డిటు హతుం డగుచు నుండ
వారివాక్యంబు లన్నియు వ్యర్థ మయ్యె
వార లందఱుఁ గడు మృషావాదు లైరి.
| 806
|
| తే. |
జగతి నేచిహ్నములు గలసతులు భర్తృ, యుక్తలై రాజ్యపట్టాభిషిక్తు లగుదు
రట్టియీపంకరుహరేఖ లస్మదీయ, చరణములఁ బొల్చి యున్నవి చారుఫణితి.
| 807
|
| తే. |
అవని దుర్లభభాగ్య లైనట్టినీల, వేణు లెట్టిచిహ్నము లున్న విధవ లగుదు
రట్టిచిహ్నంబు లెవ్వియు నరయ నాకుఁ, గాన మీదు8ఖ మెబ్బంగిఁ గలిగె నేఁడు.
| 808
|
