| తే. |
తరుచరునిమీఁద గద వైవ దానిఁ ద్రుంచి, వానియురమున శిల వీచివైవ దాని
వ్రేటున నురంబు పగిలి రాత్రించరుండు, కొండభంగి గతాసుఁడై క్షోణిఁ గూలె.
| 742
|
రాముం డగ్నికేతురశ్మికేతుయజ్ఞశత్రుసుప్తఘ్నులం జంపుట
| తే. |
రణములో నగ్నికేతుండు రశ్మికేతు, యజ్ఞశత్రులు సుప్తఘ్ను లలవు చలము
సెలఁగ రామునిపైఁ బెక్కుశితశరములు, తెంపు దీపింప వెస నిగిడింపఁ గినిసి.
| 743
|
| ఉ. |
ఆరఘుపుంగవుం డతిభయంకరుఁ డై వెస నాల్గుతూపుల
న్వారనివేడ్క నద్దివిజవైరుల నల్వురమస్తకంబులన్
దారుణభంగిఁ ద్రుంప నవి తద్దయు నొప్పుచు మింట నుండి యా
ధారుణిఁ గూలె వాతపతితస్పుటతాళఫలంబులో యనన్.
| 744
|
| క. |
మఱియు ననేకు లనేకుల, నురుబలమునఁ దాఁకి ద్వంద్వయుద్ధ మొనర్పం
దరుచరులచేత రజనీ, చరులు మడిసి రపుడు ఘోరసంగ్రామమునన్.
| 745
|
| వ. |
మఱియు నవ్వానరశ్రేష్ఠులు నూతనాయోధనసంవర్ధితసముత్సాహు లై బల
దర్పంబు లినుమడింపఁ జలంబు డింపక పొలివోనిబంటుఁదనంబున రాక్షన
బలంబుమీఁది కురవడించి శిలాపాతంబుల మత్తమాతంగంబుల విదళించుచుఁ
దరుప్రహారంబుల హయంబుల నుగ్గునూచంబు సేయుచు శైలశిఖరంబుల నరదం
బులు పఱియలు వాపుచు నఖదంతంబుల వ్రచ్చి రాక్షసులు గీటణంచుచు
విజృంభించిన భగ్నంబు లైనఖడ్గశూలగదాశక్తితోమరంబులును నపవిద్ధంబు
లైనయరదంబులును బ్రభిన్నంబు లైనసాంగ్రామికహయంబులును నివాతంబు
లైనమత్తమాతంగంబులును విశకలితంబు లైనకేతనాతపత్రయుగాక్షచక్రకూ
బరంబులును జూర్ణితంబు లైనభూషణంబులును గతాసు లైనరాక్షసులునుం గలిగి
యయ్యాయోధనంబు దారుణదర్శనం బయ్యె ననేకబంధంబు లాకాశంబున
కెగసి యద్భుతప్రకారంబున నాడుచుండ భూతభేతాళంబులును గాకఘూకసృ
గాలంబులును రణరంగంబున ఘోరంబుగాఁ గ్రీడించుచుండెఁ దొల్లి దేవాసుర
యుద్ధం బింత బెట్టిదంబు గా దనుచు గగనంబున దేవత లగ్గించుచుండి రిట్లు
వానరపుంగవులచేత విదార్యమాణు లైననిశాచరులు శోణితదిగ్ధగాత్రు లై
సూర్యాస్తమయంబు నాకాంక్షించుచు నగ్గలికసొంపునం బోరుచుండ భాస్కరుం
డస్తమించెఁ బదంపడి పరస్పరబద్ధవైరు లై జయంబు గోరుచు ఘోరంబుగా
భండనంబు సేయువానరరాక్షసులకుఁ బ్రాణహారిణి యైనరాత్రి సంప్రవృత్త
యయ్యె నప్పుడు సంధ్యాసమయసంప్రవర్ధితసత్త్వు లగురాక్షసులకును జితకాశు
లగువానరులకును నత్యద్భుతప్రకారంబున నిజాయుద్ధంబు ప్రవర్తిల్లె నమ్మహాం
ధకారంబునందు.
| 746
|
వానరరాక్షసుల రాత్రియుద్ధము
| ఆ. |
తోక లేనివారి దోషాటు లని మది, నెఱిఁగి కవులు పోరి రేపు మీఱి
తోఁక లున్నవారి వీఁకతోఁ గపు లని, యెఱిఁగి పోరి రసురు లేకతమున.
| 747
|
