రావణుఁడు వానరులమీఁదికి రాక్షసదండనాథులం బంపుట
| ఉ. |
దానవదండనాథులఁ బ్రతాపవిశిష్టులఁ జూచి మీ రిఁకన్
మానుగ నాత్మసేనల ఘనంబుగఁ గూడి మనంబులో నెగు
ల్మాని ప్రచండవేగమున గ్రక్కున నేగి మహారణంబులో
వానరవీరులం దునిమి వచ్చి జయం బొసఁగుండు నా కొగిన్.
| 710
|
| ఉ. |
నా విని యానిశాటులు మనంబున మిక్కిలి జన్యకౌతుకం
బావహిలంగ శీఘ్రమున నాత్మబలంబులఁ గూర్చి పేర్చి నా
నావిధసాధనంబులు ఘనంబుగఁ దాల్చి యలంకృతాంగు లై
రావణుచే ననుజ్ఞఁ గొని రాజితవిక్రమసార మొప్పగన్.
| 711
|
| ఉ. |
మించినవేడ్కతో దెసలు మిన్ను చలింపఁ బ్రయాణభేరి వ్రే
యించి ప్రచండశౌర్యము వహించి ముఖానిలపూరితప్రభో
దంచితశంఖనాదము నుదగ్రభయానకసింహనాదము
ల్మించి పురంబు నిండ నవలీల రణంబున కేగి రుద్ధతిన్.
| 712
|
| ఉ. |
కొండలకైవడిం దనరు గొప్పశరీరము లొప్పఁ బద్మగ
ర్భాండము వ్రక్కవాఱ భయదాయతభీషణబృంహితధ్వనుల్
మెండుగ సల్పుచు న్శ్రుతిసమీరముల న్ఘనము ల్చలింప వే
దండచయంబు లొక్కమొగి నాజికి నేగె నిరంతరంబుగన్.
| 713
|
| చ. |
సురుచిరరమ్యదేవమణిశోభితము ల్బృతరంధ్రభాగముల్
గురుతరరోచమానములు గూడినకంఠతలంబు లొప్పఁగా
శరధులభంగి నూర్ముల వెస న్ధరణీతల మాక్రమించుచున్
విరహరు లేగె హేషితరవంబు లెసంగ మనోజవంబునన్.
| 714
|
| సీ. |
చటులధ్వజాగ్రసంఘటితపటానిలవేగంబున మొయిళ్లు విచ్చి పాఱఁ
గమనీయనేమిసంఘట్టనంబునఁ బుట్టువసుధాపరాగ మాకసము నిండ
రణితఘంటాఘణంఘణనినాదంబులు దిక్కరికర్ణముల్ వ్రక్కలింప
సముదగ్రవేగభారము మోవఁ జాలక బ్రమసి శేషుండు భోగములు వరప
|
|
| తే. |
సంబరమునఁ జనుపంకజాప్తరథము, కరణిఁ జూడ్కికి దుర్నిరీక్ష్యంబు లగుచు
నఖిలసాంగ్రామికరథంబు లద్భుతగతి, మొనసి దట్టంబుగా రణంబునకు వెడలె.
| 715
|
| చ. |
పరశుగదాసికుంతములఁ బ్రాసపరశ్వథముద్గరంబులం
గరములఁ బూని బిట్టలుక గాటుకకొండలభంగిఁ గ్రాలుచున్
గురుతరసింహనాదములు ఘోరముగా భువి నిండ యామినీ
చరు లతిదారుణక్రియ నసంఖ్యులు పోరికి నేగి రత్తఱిన్.
| 716
|
| ఉ. |
మున్ను రణంబులో దివిజముఖ్యుని శక్రు జయించి కీర్తిఁ గై
కొన్న భుజబలాధికుఁ డకుంఠితశౌర్యుఁ డమోఘవీర్యసం
|
|
