| |
నెఱిఁగి వెసఁ బట్టుకొని తెచ్చి నరవరేణ్యు
మ్రోల నర్పించి చేతులు మోడ్చి పలికె.
| 554
|
| క. |
వీరు దశాస్యునిమంత్రులు, సారణశుకు లనెడువారు జనవర కపటా
కారముఁ దాలిచి మనచొ, ప్పారయఁ జను దెంచినార లతనిననుపునన్.
| 555
|
| క. |
అని పలుకుసమయమున న, ద్దనుజులు నృపుఁ జూచి జీవితంబులపై గ్ర
క్కున నాస విడిచి భయ మది, గనుపడ ని ట్లనిరి మోడ్పుఁగరములతోడన్.
| 556
|
| ఉ. |
పావనశీల రామనరపాల లసత్కరుణాలవాల ర
క్షోవిభుఁ డైన రావణునకుం బ్రియమంత్రుల మాత్రఁతఁ డంప ని
క్కైవడిఁ గీశరూపములు గైకొని నీదుబలంబు సర్వముం
గేవలగూఢవృత్తిఁ దిలకింపఁగ వచ్చినవారి మెంతయున్.
| 557
|
| వ. |
అని పలికిన నచ్చారులవచనంబులు విని సర్వభూతహితుఁ డగురాముండు ము
ఖారవిందంబునకు మందహాసంబు చెలు వొసంగ శురసారణుల కిట్లనియె.
| 558
|
| ఉ. |
దానవులార మీరు మది దాఁపక పల్కితి రింతవట్టు మీ
దానవభర్త చెప్పినవిధంబున నిర్భయు లై మదీయసే
నానివహంబు సర్వము మనం బలరం బరికింపుఁ డింపుతో
మానుగ మావిభీషణుఁడు మానక యంతయు మీకుఁ జూపెడిన్.
| 559
|
| చ. |
దురమున న్యస్తశస్తు లగుదూత లవధ్యు లటంచు ధార్మికుల్
గఱపిరి గాన నత్తెఱుఁగు గైకొని మి మ్మిటు గాచి పుచ్చితిన్
వెఱవక కృత్రిమాకృతులు వీడి నిజాకృతుల న్ధరించి మ
త్సురుచిరసైన్యసంతతులఁ జూచి దశాస్యున కంతఁ జెప్పుఁడీ.
| 560
|
| క. |
వినుఁ డింతకు మును చూచిన, యనీకమును జూడ వలసినట్టి బలంబుం
గనుఁగొనుఁడు యథాక్రమముగ, ఘనలక్షణనామరూపకర్మంబులతోన్.
| 561
|
రాముఁడు శుకసారణుల విడిచిపెట్టుట
| క. |
మీ రిపుడు లంకకుం జని, చారులకుం దగినభంగి సవినయమతు లై
మీరాజుతోడ నిట్లనుఁ, డోరాక్షసులార మామతోక్తులు గాఁగన్.
| 562
|
| తే. |
ఏబలము నాశ్రయించి దైత్యేంద్ర సీత
నపుడు మ్రుచ్చిలి గొనిపోయి తాబలంబు
సర్వమును నేఁడు చూపుము సకలబంధు
సైన్యపుత్త్రయుతుండ వై సమరమందు.
| 563
|
| చ. |
ఇదె చనుదెంచినాఁడఁ బ్రథనేచ్ఛ సురేంద్రుఁడు దైత్యకోటిపై
భిదురము నట్ల నేను బటుభీషణరోషము నెల్లి పంచెదం
గొదుకక మచ్చరప్రహతిఁ గూలినలంకను బంధుమిత్రులన్
జిదురువ లైనరాత్రిచరసేనలఁ జూచెద వెల్లి రావణా.
| 564
|
