| |
తుండై మౌనంబు ధరియించి యప్రమాదుండై విధ్యుక్తప్రకారంబున నమ్మ
హోదధి నుపాసించుచుండ నమ్మహనీయచరిత్రునకు నిశాత్రయం బతిక్ర
మించె నంత.
| 436
|
సముద్రుఁడు పరీక్షార్థంబు రాము నుపేక్షించుట
| మ. |
నయవిచ్ఛేఖరుఁ డైనరాఘవునిచే నానాప్రకారంబుల
న్నియతిం బ్రార్థితుఁ డయ్యు మై మఱచి మున్నీ రమ్మహాభర్తకుం
బ్రియ మారం బొడసూప కుండె జడధు ల్విఖ్యాతదండక్రియా
నియతిం గాక ప్రశాంతవాక్యముల నన్వేషింపఁగా నేర్తురే.
| 437
|
| వ. |
మఱియుఁ దనకు విరోధు లగుమరువాసుల రామునిచేత దండింపంజేయుటకును
రావణునిభయంబునఁ దత్సంహారక్షమం బైనరామునిపరాక్రమంబు పరీక్షించు
టకును సముద్రుండు విలంబనంబుఁ జేసి పొడసూపకుండె.
| 438
|
| తే. |
ఉదధి యీరీతిఁ బొడసూపకున్న నలిగి
మనుజపతి నేత్రములు నెఱ్ఱఁదనము గదుర
నంతకాకారుఁ డై తనచెంత నున్న
యట్టిసౌమిత్రిఁ గనుఁగొని యిట్టు లనియె.
| 439
|
| చ. |
అనఘచరిత్ర కంధిదురహంకృతిఁ గంటివె డాయ రాఁడు నే
ర్పును బ్రియవాగ్విశేషతయుఁ బొల్పుగ శాంతిశమక్షమార్జవా
ద్యనుపమసద్గుణంబులు దురాత్ములకుం బని సేయ వట్టిస
జ్జనుఁ గని సాధునిందితు లశక్తుఁ డటంచుఁ దలంతు రెంతయున్.
| 440
|
| తే. |
సర్వదోత్సృష్టదండునిఁ జపలు విపరి, ధావకుని దృప్తు దుష్టునిఁ దన్నుఁ దాను
బొగడుకొనువాని దుర్నీతి నెగడువాని, శకునిఁ గనుఁగొని లోకంబు సత్కరించు.
| 441
|
| క. |
సామమునఁ గీర్తి గలుగదు, సామంబున యశము లేదు సజ్జనుఁ డైనన్
సామమున ఖ్యాతి వడయఁ డ, సామంబున నెల్లపనులు సమకొని వచ్చున్.
| 442
|
| క. |
నిరుపమనిశాతమద్భీ, కరశరనిర్భిన్నమకరకమఠంబులచే
శరనిధి నిరుద్ధసలిలో, త్కరముగఁ గావింతు నిపుడు గనుఁగొను మనఘా.
| 443
|
| క. |
పన్నుగ దంతికరంబులు, పన్నుగ భోగములు కచ్ఛపంబులశిరముల్
క్రన్నన మత్సాయకసం, ఛిన్నము లై పోవునట్లు చేసెదఁ గడిమిన్.
| 444
|
| క. |
సమదేభమీనకర్కట, కమఠంబు సశంఖశుక్తికాజాలము ను
గ్రమహోరగసేవిత మగు, కమలధి నింకింతు నీవు గనుఁగొనుచుండన్.
| 445
|
| తే. |
దశరథకుమార నాయందుఁ దాల్మియునికిఁ
జేసి జలనిధి చుల్కన చేసి నన్నుఁ
గడిమి నసమర్థునిఁగఁ జూచెఁ గావరంపు
జనులయెడ నోర్పు యుక్తమై తనరదయ్య.
| 446
|
