| |
రహస్యజ్ఞుండవు సర్వజనానందకరణశాలివి సత్త్వగుణైకనిష్ణుండవు ధర్మసంస్థా
పనార్థం బవతీర్ణుండ వైననీకు శరణాగతరక్షారూపవిశేషధర్మానుష్టానంబు చిత్రం
బు గాదు నాచిత్తంబు విభీషణునిఁ బరిశుద్ధునిఁగా నెఱింగినది భవదుక్తయుక్తి
సమూహంబువలన నభిప్రాయబోధకముఖప్రసాదాదిచిహ్నంబువలనను బహి
రంతరంగంబులను బరీక్షితుం డై పరిశుద్ధత్వంబున సమ్యఙ్నిశ్చితుం డయ్యెఁ
గావున మహాప్రాజ్ఞుం డగువిభీషణుండు మాతోడఁ దుల్యుండయ్యె నితనితోడ
సాచివ్యంబు గావించి రక్షింపుఁ డనిన నాసుగ్రీవునిపలుకుల కలరి రాముండు
పురందరుండు పతత్రిస్వామితోడం బోలె విభీణునితోడ సంగమంబు నొందె
నిట్లు రామునిచేత నభయదానంబు గొని రావణానుజుం డగువిభీషణుండు
భయంబు విడిచి స్వామిసన్నిధియందుఁ బాదపురస్సరావరోహణం బనుచితం
బని తలంచి ప్రహ్వీభూతశిరస్కుండై యానయనోద్యుక్తు లైనసుగ్రీవాదులచేత
నిర్దిష్టం బైనభూతంబు నవలోకించుచు గగనంబున నుండి డిగ్గి యభిమతవస్తు
లాభజనితప్రీతియుక్తుం డై స్తనంధయునకు మాతృస్తనంబుం బోలె శరణా
గతునకు శరణ్యునిపాదారవిందద్వయంబె భోగ్యత్వంబునఁ బరమప్రాప్యంబు
గావున ననురక్తు లగుమంత్రులతోడం గూడ ధర్మాతుం డగురామునిచరణాంబు
జంబులకు నిజకిరీటకోటిస్యూతపురుషోపలమహేంద్రనీలపద్మరాగంబులు మరా
ళమధుకరచక్రవాకంబులసొంపు సంపాదింప గాఢభక్తిం బ్రణతుం డై లేచి
కరంబులు మోడ్చి యుక్తియుక్తంబును సాంప్రతంబును సద్యస్సంతోషకరం
బు నగువాక్యంబున శరణ్యరామప్రీతివర్ధనంబు సేయుచు ని ట్లనియె.
| 383
|
| చ. |
అనఘ దశాస్యుసోదరుఁడ నాతనిచే నవమానితుండ నై
మునుకొని సర్వము న్విడిచి భూతశరణ్యుఁడ వైననిన్నుఁ జ
క్కన శరణంబు నొందితి సుఖంబును రాజ్యము జీవితంబు మిం
చినకృప నీయధీనముగఁ జేకొని భృత్యునిఁ గాఁగ నేలుమీ.
| 384
|
| వ. |
అని యివ్విధంబునఁ బలికిన నతనివచనంబులు విని రఘువల్లభుండు ముఖచంద్ర
కౌముదీభూతశీతలకటాక్షవీక్షణంబుల దయార్ద్రభావంబు సూచించుచు సాంత్వ
వాక్యంబుల ని ట్లనియె.
| 385
|
విభీషణుఁడు రామునకు రావణునిబలంబుఁ దెల్పుట
| చ. |
దివిజవరేణ్యవైరికులదీపక నీ వలపంక్తికంఠుచే
నవమతిఁ గాంచి వచ్చుట యథార్థ మెఱింగితి నింకఁ బ్రోచెదం
దవిలినశంకఁ బోవిడిచి దానవనాథుబలాబలంబు దె
ల్పవె యన వాఁడు రాజకులపాలున కిట్లని చెప్పె సర్వమున్.
| 386
|
| చ. |
బలరిపుతుల్యవీర్య విను పద్మజపౌత్రుఁడు విశ్రవుండు నాఁ
గలఁడు తదీయవీర్యమునఁ గైకసిగర్భమునందుఁ బ్రీతిమైఁ
|
|
