| సీ. |
కపివర్య జానకిఁ గాంచి వచ్చుటఁ జేసి మదికి నత్యంతసమ్మదము గల్గె
నైనను దుష్పార మగుమహోదధి నెట్లు దాఁటి తద్దక్షిణతటముఁ జేరు
టెట్లొకో కపు లంచు నించుక మనమునఁ గ్రమ్మఱ శోకంబు గ్రమ్ముకొనియెఁ
గపులయంబుధిపారగమనమం దుత్తర మెద్ది మహీజ తా నేమి పలికెఁ
|
|
| తే. |
జెప్పు మని పల్కి మోహంబు గప్పికొనఁగ
శత్రుసూదనుఁ డగురామచంద్రుఁ డపుడు
వదన మటు వాంచి దైన్యంబు గదుర నూర
కున్న నన్నరపతిశోక ముడుపఁ దలఁచి.
| 14
|
సుగ్రీవుఁడు రామున కుత్సాహము కలుగఁజేయుట
| వ. |
సత్త్వసంపన్నుం డగుసుగ్రీవుం డుద్గ్రీవుం డై యి ట్లనియె.
| 15
|
| చ. |
మనుకులసార్వభౌమ రిపుమర్దనశాలివి నేర్పుపెంపున
న్మనుజనుతప్రతాపమహిమం గడు మేటివి వీర్యసంపద
న్ఘనుఁడవు నీవు ప్రాకృతునికైవడి నేల తపించె దిట్లు చ
య్యనఁ బరితాపము న్విడువు మయ్య కృతఘ్నుఁడు నెయ్యము న్బలెన్.
| 16
|
| తే. |
జనకసుత సేమమున నున్న దనెడువార్త
వినఁబడియె రావణుం డున్నవిధము దెలిసె
విను మిది ప్రమోదకాల మై తనరుఁగాని
లక్ష్మణాగ్రజ దుఃఖకాలంబు గాదు.
| 17
|
| వ. |
మహాత్మా నీ వాగామిగోచరార్థజ్ఞుండ వూహాపోహకుశలుండవు పరిచ్ఛేత్తవర్ధ
తత్త్వజ్ఞుండవు జ్ఞాతాత్మస్వరూపుం డైనయోగి యపవర్గదూషణి యైనబుద్ధిం
బోలెఁ బ్రయోజనహానికరియు నశుభాత్మికయు నైనయీబుద్ధి నవలం ద్రోచి
పుచ్చుము.
| 18
|
| తే. |
అనఘచారిత్ర శోకపర్యాకులుండు
దీనుఁ డుత్సాహహీనుఁడు నైనవాని
యఖిలకార్యంబులు నశించు ననఁగ శుభము
లంద వన నాపదలు పొందు ననఁగ వినమె.
| 19
|
| చ. |
మఱవక చూడు నాకుఁ గలమర్కటవీరులు వీరె వీర లిం
దఱును సమర్థు లిందఱు నుదగ్రబలు ల్భవదర్థమందు ని
ష్ఠురగతి వహ్నిలో నయినఁ జొచ్చెద మంచుఁ దలంచి యున్నవా
రరయఁగ వీరిఁ గన్గొనిన నాజి నవశ్యము గెల్పు దోఁచెడున్.
| 20
|
| శా. |
ఘోరగ్రాహకుళీరమీనకమఠక్రూరోరగం బైనపా
థోరాశిం దరియించి విక్రమసముద్యోగంబున న్లంక నే
పార న్లగ్గలు పట్టి పంక్తిముఖు నుగ్రాజి న్వడిం ద్రుంచి సొం
పార న్జానకిఁ దెచ్చి యిచ్చెదము దేవా చింత నీ కేటికిన్.
| 21
|
