| |
వడియును జలింపక సుస్థిరుండై యుండి కొండొకసేపునకుఁ దుషారసంహతి
దొలంగం ద్రోచికొని గగనంబున కెగయుమార్తాండునివడువున నక్కాండ
ప్రకాండంబుల లాంగూలంబున విరియందట్టుచు నఖండవేగంబున నంబరంబున
కెగసి తద్దానవు లేడ్వురును గామచారు లగుటంజేసి రథయుక్తులై తోడనె యెగ
యుటయుఁ దటిత్వంతంబు లైనమేఘంబులతోడఁ బ్రభంజనునకుంబోలె ధను
ష్మంతు లగునద్దానవులతోడ నేకవీరుం డగుహనుమంతునకు ఘోరం బగు
సంగ్రామం బయ్యె నప్పుడు.
| 1034
|
| సీ. |
హరివీరుఁ డంబరచరభూతసంతానములకు సంతాపంబు గలుగ నార్చి
వాలవిక్షేపదుర్వారవాతాహతిఁ ద్రిదశమానశ్రేణి చదలఁ జెదర
వినతాసుతునిమాడ్కి వేగంబు గైకొని యసమానభుజబలం బెసఁగ దారు
ణారావమున గుండె లవియించి పదములఁ దన్ని సఖంబులఁ దనువు సించి
|
|
| తే. |
యురముచేఁ దట్టి యూరుల నుఱుము చేసి, కరతలంబునఁ బ్రహరించి కఠినముష్టి
హతుల నొప్పించి క్రమమున నసురసుతుల, నేడ్వుర వధించె సామీరి యేపు మీఱి.
| 1035
|
| వ. |
ఇవ్విధంబున మంత్రినందనుల నేర్వురఁ గాలుప్రోలికిం బుచ్చి చెచ్చెరఁ బుడమికి
లంఘించి యుదంచితవిక్రమంబున పరిఘాఘాతంబున మదవారణయూథంబుల
కుంభవిదళనంబు సేయుచు లాంగూలంబునం జుట్టి రథ్యసారథికేతనచ్ఛత్రచామ
రసహితంబుగా రథంబులు విసరివైచుచుఁ గరతలంబున హయంబులశిరంబులు
పగుల మోదుచుఁ బాదతలంబునఁ బదాతుల బడలుపడం ద్రోయుచు నిట్లు
చతురంగబలంబులు నిశ్శేషంబుగా రూపు మాపి తదీయమేదోమాంసమస్తిష్కం
బులు భూతసృగాలంబుల కాహారంబు చేసి సంగ్రామతలంబున కనేకరుధిరప్రవా
హంబులు సంపాదించి లంకాపురనివాసుల కెల్ల నత్యంతసాధ్వసంబు పుట్టించి
సురగణాభినందితుం డై యెప్పటియట్లు తోరణం బెక్కి తక్కినరక్కసులతోడ
నుక్కున నెక్కటి కయ్యంబు సేయుతలంపున లాంగూలంబు ద్రిప్పుచుఁ దదా
గమనంబు ప్రతీక్షించుచుండె నంత.
| 1036
|
| చ. |
అతిబలుఁ డైనవానరకులాగ్రణిచేఁ దనమంత్రినందనుల్
హతు లగు టాలకించి దనుజాధిపుఁ డద్భుతశోకరోషము
ల్మతి నభివృద్ధి నొండ నొకమర్కటుఁ డింతకు వచ్చెనే సము
న్నతగతి వీని నింకఁ గదనంబున నోర్చెడువీరుఁ డెవ్వఁడో.
| 1037
|
రావణుఁడు హనుమంతుమీఁదికి విరూపాక్షప్రఘసయూపాక్షదుర్ధరభాసకర్ణులం బంపుట
| తే. |
అని వితర్కించి తగ విరూపాక్షుఁ డనఁగఁ
బ్రఘసయూపాక్షదుర్ధరభాసకర్ణు
లనఁగ నాఖ్యలు గలవారి నమితబలులఁ
బంచసేనాగ్రపతుల వీక్షించి పలికె.
| 1038
|
