శ్రీరామచంద్రపరబ్రహ్మణేనమః
గోపీనాథరామాయణము
కిష్కింధాకాండము
| |
కైవల్యరమాధిప
రాకేందుసమానముఖ పురందరముకుటా
స్తోకానేకమణీశో
భాకీలితచరణ సత్యభామారమణా.
| 1
|
| వ. |
దేవా యవధరింపుము కుశీలవు లగుకుశలవు లవ్వలికథ యి ట్లని చదువం దొడంగి
రట్లు రాముండు సౌమిత్రిసహితంబుగాఁ బద్మోత్పలఝషాకుల యగుపంపాపు
ష్కరిణి నధిగమించి మదనోద్దీపనకరంబు లగుతదీయసుషమావిశేషంబు లవలో
కించి కామశరనిపీడ్యమాసమానసుం డై లక్ష్మణున కి ట్లనియె.
| 2
|
రాముఁడు వసంతఋతువుం జూచి మన్మథాభితప్తుఁడై విలపించుట
| క. |
విలసితతరుశోభితయై, సలలితవైడూర్యవర్ణసతిలాగ్రనట
జ్జలజోత్పలయుతయై రా, జిలుచున్నది కంటె పంప చిరశుభలీలన్.
| 3
|
| తే. |
ఎచట శిఖరాన్వితము లైనపృథునగంబు, లట్ల యుచితతరువు లొప్పారుచుండు
నట్టి పంపాసరోవరప్రాంతచిత్ర, వనము శోభిలుచున్నది యనఘ కంటె.
| 4
|
| తే. |
భరతు నెడఁ బాసి సతిని గోల్పడి దురంత, దుఃఖభారంబుచే స్రుక్కి తూలుచున్న
న న్నిచటఁ జాలఁ బీడించుచున్న వాని, మాడ్కి వర్తించుచున్నాఁడు మాధవుండు.
| 5
|
