పుట:గోపీనాథరామాయణము2.pdf/216

⁠

వేదఘోషంబులును రావణస్తవసంయుక్తు లగురాక్షసులగర్జారవంబులును వినుచు రాజమార్గగతు లై విహరించురక్షోభటుల నిరీక్షించుచుం జనిచని మధ్య మగుల్మంబున నగరవృత్తాంతవేదకు లగుగూఢచారులు దీక్షితుల జటిలుల ముండి తశిరస్కుల వృషభచర్మధారుల స్వాధ్యాయనిరతుల దర్భలు కరంబులం గొని యనిష్టనివారకానుష్ఠానంబు సేయుదర్భముష్టిప్రహరణులఁ గృత్యాదులం బుట్టిం చి వానిచేత శత్రుమారణంబు సేయుటకు నాభిచారికహోమంబు గావించునట్టి వహ్నికుండాయుధుల నేకాక్షుల నేకకర్ణుల లంబోదరపయోధరులఁ గరాళభుగ్న వక్త్రుల విషమాచారుల వామనాకృతులఁ బుష్పమాలికాధరుల గంధానులిప్త గాత్రుల విచిత్రకవచోజ్జ్వలుల నాతిస్థూలుల నాతికృశుల నాతికుబ్జుల నాతివామ నుల విరూపుల బహురూపుల సురూపుల సువర్చుల వరాభరణభూషితుల నానా వేషసమాయుక్తుల స్వేచ్ఛావిహారకుశలులఁ గూటముద్గరదండాయుధఖడ్గచాప శతఘ్నీముసలపరిఘశూలవజ్రశక్తివృక్షపట్టిసాశనిక్షేపణిపాశధరుల మహాబలుల శతసహస్రసంఖ్యాతుల రక్షోధిపతినిర్దిష్టు లై పురంబు సర్వంబు రక్షించు చున్నరాక్షసవీరుల నవలోకించుచు గిరిమూర్ధప్రతిష్ఠితంబును మహహాటకతో రణంబును బుండరీకావతంసపరిఘాభిసంవృతంబును హేమప్రాకారమండితం బును ద్రివిష్టపసన్నిభంబును దివ్యంబును దివ్యనాదనినాదితంబును వామహేషిత సంఘుష్టంబును భూషణస్వనసంకులంబును శ్వేతాభ్రనిచయోపరచతుర్దంత దంతావళదానధారాపంకిలగృహాంగణంబును రథయానవిమానవిరాజితంబును ననల్పశిల్పికల్పితరత్నపారావతప్రముఖపతత్రివిచిత్రితద్వారంబును ననేకసహస్ర వీరరాక్షససురక్షితంబును స్వర్ణప్రాకారమండలయుక్తంబును మహార్హముక్తా మణివిభూషితాంతరంబును బరార్థ్యకాలాగరుచందనాక్తంబు నగు రావణుని యంతఃపురద్వారంబు సేరం జని యప్పుడు.

⁠ 182

చ.⁠

గురుతరపూర్ణచంద్రికలఁ గుంభిని నెల్ల వెలుంగఁ జేయుచు న్సురవరు లెత్తుబల్‌దివియసొంపున గోష్ఠమున న్భ్రమించుసుం దరవృషభంబు లీల వితతద్యుతి నంబరమధ్యవర్తియై కర మలరారు చందురునిఁ గాంచె సమీరకుమారుఁ డయ్యెడన్.

⁠ 183

వ.⁠

మఱియును.

⁠ 184

క.⁠

జలధి కడ లెత్తి మ్రోయఁగఁ, గలువలు వికసింప లోకగతదుఃఖంబుల్ దొలఁగఁగ భూతవ్రాతము, లలరఁగఁ జంద్రుండు పొల్చె నంబరవీథిన్.

⁠ 185

తే.⁠

అవనిలో మందరాద్రిస్థ యైనలక్ష్మి యంబువులయందుఁ గమలస్థ యైనశోభ లలిఁ బ్రదోషములం దబ్బిఁ జెలఁగుకాంతి శీతకరునందుఁ దగఁ బ్రకాశించె నపుడు.

⁠ 186