పుట:కాశీఖండము.pdf/495

సప్తమాశ్వాసము

489

⁠

కాశిఁ బంచక్రోశికడసీమ మొలచిన         గఱికతో సరిరావు కల్పకములు కల్పాంతకాలంబు గరుసు దాఁటిననాఁడుఁ         గాశి ముంపఁగ లేదు కడలివెల్లి బ్రహ్మాదులకుఁ గాశిఁ బాదచారమ కాని         యొక్క మర్యాది లే దెక్కిరింత

⁠

తే.⁠

సుదతి! పాపములకు నెదుర్చుక్క కాశి వెలఁది! యుపపాతకములకు విషము కాశి భామ! కల్యాణమున కాటపట్టు కాశి ఇంతి! మోక్షంబునకుఁ బుట్టినిల్లు కాశి.

⁠ 217

తే.⁠

అన్నికుండంబులను దీర్ఘమాడినఫల మన్నిలింగంబులకు మ్రొక్కినట్టిఫలము గలదు నీహారగిరిరాజకన్య! నిజము మరియు నీతీర్థములు విన్న మానవులకు.

⁠ 218

సీ.⁠

జపియింపఁ దగుఁ బితృశ్రాద్ధకాలంబుల         నిమ్మహాస్తోత్ర మద్రీంద్రతనయ! పంచమహాపాపభద్రేభపంచాస్య         మిమ్మహాస్తోత్ర మద్రీంద్రతనయ! పఠియించువారలపాలి కల్పద్రుమం         బిమ్మహాస్తోత్ర మద్రీంద్రతనయ! నాకు నత్యంతమనఃప్రమోదావహం         బిమ్మహాస్తోత్ర మద్రీంద్రతనయ!

⁠

తే.⁠

డాంబికున కుద్ధతునకు నధార్మికునకుఁ గూటసాక్షికి శఠునకుఁ గుత్సితునకు

⁠